မြန်မာ့ဒီမိုကရေစီအင်အားစုများ မလွဲမသွေအသုံးပြုရမည့် ညီညွတ်ရေးလက်နက် (သုံးလျှင်သုံး၊ မသုံးလျှင်ရှုံး)

မြန်မာ့ဒီမိုကရေစီအင်အားစုများ မလွဲမသွေအသုံးပြုရမည့် ညီညွတ်ရေးလက်နက် 
(သုံးလျှင်သုံး၊ မသုံးလျှင်ရှုံး)။

အချိန်နှင့်ဒီရေဟာ လူကိုမစောင့် ဆိုတဲ့ မြန်မာ့ဆိုရိုးစကားအတိုင်း နှစ်ဟောင်းဖြစ်တဲ့ ၂၀၀၄ ခုနှစ်ကုန်ဆုံးလို့ နှစ်သစ်ဖြစ်တဲ့ ၂၀၀၅-ခုထဲကိုအခုရောက်ရှိနေပါပြီ။ မြန်မာဒီမိုကရေစီတိုက်ပွဲဝင်အဖွဲ့အစည်းများအားလုံး အတွက်မလွဲမရှောင်သာ လုပ်ရမယ့်အရေးကြီးဆုံးတာဝန်ကတော့ နှစ်ဟောင်းအတွက် နှစ်ချုပ်သုံးသပ်ချက် ကိုရဲရင့်ရိုးသားစွာလုပ်ဆောင်ရေးပဲဖြစ်ပါတယ်။ နှစ်ဟောင်းတစ်နှစ်လုံးအတွင်းမှာ ချမှတ်လုပ်ဆောင်ခဲ့တဲ့ စီမံချက်လုပ်ငန်းတွေအောင်မြင်မှုရှိမရှိ ရှိရင်လည်းဘယ်အတိုင်းအတာအထိရှိတယ်ဆိုတာကို သိဘို့ လိုသလို၊ ဆုံးရှုံးမှုနဲ့ရင်ဆိုင်ခဲ့ရရင်လည်း ဆုံးရှုံးမှုအတိုင်းအတာကို သိဘို့လိုပါတယ်။
          နှစ်ဟောင်းအတွင်းမှာ လုပ်ဆောင်ခဲ့ကြတဲ့လုပ်ငန်းစီမံချက်များနှင့်ပတ်သက်တဲ့သုံးသပ်ချက်များ အရ မှားယွင်းချက်ပျော့ကွက်ဟာကွက်တွေကိုသိရှိရပါမယ် ထိုမှတဆင့်လာမယ့်နှစ်သစ်အတွက် လုပ်ငန်း စီမံချက်များဆောင်ရွက်ရာမှာ အမှားများကိုထပ်မံမလုပ်ဆောင်မိဘို့နှင့် ပြည်တွင်းပြည်ပလက်ရှိအခြေအနေ များကိုအခြေခံတဲ့ ပိုမိုပြီးလက်တွေ့ကျတဲ့ လုပ်ငန်းစီမံကိန်းများကို ရေးဆွဲအကောင်အထည်ဖော်နိုင်ဘို့ ဖြစ်ပါတယ်။
          မြန်မာဒီမိုကရေစီတိုက်ပွဲတခုလုံးအတွက် နှစ်ချုပ်သုံးသပ်ချက်ကို ပြည့်ပြည့်စုံစုံဖော်ပြရေးဟာ အလွန်ကျယ်ပြန့်နက်ရှိုင်းတဲ့ကိစ္စရပ်ဖြစ်ပါတယ်။ စာမျက်နှာပေါင်းများစွာပါဝင်တဲ့ စာအုပ်စာတမ်းများဖြင့် ဖော်ပြရမည့်လုပ်ငန်းဖြစ်ပါတယ် သို့ရာတွင်ယခုစာတမ်းမှာ အတတ်နိုင်ဆုံးအကျဉ်းချုံးပြီး အဓိကကျသည့် အချက်အချို့ကိုသာ ဖေါ်ပြဆွေးနွေးပါမည်။
          ၂၀၀၄-ခုနှစ်အတွင်း ဖြစ်ပျက်ခဲ့တဲ့ အဓိကကျတဲ့အဖြစ်အပျက်များကိုကြည့်ရင်း ပထမဆုံတွေ့ရမှာ ကတော့ မေလ (၁၇)ရက် နေ့မှာစတင်ခဲ့တဲ့ အတုအယောင်ညောင်နှစ်ပင်အမျိုးသားညီလာခံဖြစ်ပါတယ်။ တခြားအရေးကြီးတဲ့အဖြစ်အပျက်ကတော့ တနိုင်ငံလုံးကဖိန့်ဖိန့်တုန်အောင်ကြောက်ရတဲ့ စစ်ထောက်လှန်း ရေးအဖွဲ့တာဝန်ခံဗိုလ်ချုပ်ကြီး ခင်ညွန့်ကို ၀န်ကြီးချုပ်ရာထူးနှင့်ထောက်လှန်းရေးမှူးချုပ်ရာထူးတို့မှ ဖယ်ရှားပြီးသူ့ရဲ့ခြေသည်းလက်သည်းဖြစ်တဲ့ ထောက်လှန်းရေးအဖွဲ့ကြီးကိုလည်းတပါတည်း ဖျက်သိမ်းလိုက် ခြင်းပါဘဲ။ အတိုက်အခံအင်အားစုများနှင့် ပတ်သက်တဲ့ကိစ္စရပ်ကတော့ ဒေါ်အောင်ဆန်းစုကြည်အား နေအိမ်တွင်အကျယ်ချုပ်ချထားခြင်းကို နောက်ထပ်တစ်နှစ်တိုးမြှင့်လိုက်ခြင်းနှင့် နအဖအစိုးရ၏ သတင်း ကြေညာချက်များအရ ၂၀၀၄-ခုနှစ်တွင်း အကျဉ်းသား (၁၄၃၁၈)ကို လွတ်ပေးခဲ့သည့်အထဲတွင် ကျောင်းသားခေါင်းဆောင် မင်းကိုနိုင်အပါအ၀င် နိုင်ငံရေးအကျဉ်းသား (၇၀)ထက်လျော့နည်းပါဝင်ခဲ့တဲ့ ဖြစ်ရပ်ဖြစ်ပါတယ်။ ကျန်တဲ့အဖြစ်အပျက်တွေကတော့ ဗိုလ်ချုပ်မှုးကြီးသန်းရွှေ၊ ဗိုလ်ချုပ်ကြီးမောင်အေးတို့ ခေါင်းဆောင်တဲ့ စစ်အာဏာရှင်များရဲ့ ပြည့်သူတရပ်လုံးနှင့် အတိုက်အခံအင်အားစုများအပေါ် အဆက်မပြတ် မတရာဖိနှိပ်ချုပ်ချယ်မှုတွေနှင့် ရမ်းကားမှုတွေကို တွေ့ရမှာဖြစ်ပါတယ်။

          ဗိုလ်ချုပ်ကြီးခင်ညွန်ခေါင်းဆောင်တဲ့ စစ်ထောက်လှမ်းရေးအဖွဲ့ကြီးကို ဗိုလ်ချုပ်မှုးကြီးသန်းရွေ၊ ဗိုလ်ချုပ်ကြီးမောင်အေးတို့က လက်ဦးမူအရယူပြီး နိုင်ငံအာဏာကိုချုပ်ကိုင်လိုက်နိုင်ခြင်းဟာ တိုင်းပြည်နှင့် လူမျိုးအတွက် ထာဝရအကျိုးရှိရေးကိုရှေးရှုပြီးဆောင်ရွက်ခဲ့တဲ့လုပ်ရပ်မဟုတ်သော်လည်း တိုင်းပြည်ရှေးရေး အတွက်ကောင်းသောအလားအလာဖြစ်ပါတယ်။ ဗိုလ်ချုပ်ကြီးခင်ညွန့်နှင့် သူ့ရဲ့ထောက်လှန်းရေးအဖွဲ့ဝင် များဟာ အင်မတန်ကောက်ကျစ်စဉ်းလဲ၊ ဉာဏ်နီဉာဏ်နက်များပြီး လူအများခက်ခံနိုင်တဲ့၊ ချိုသာတဲ့စကားလုံး များကိုအမြဲသုံးလေ့ရှိပါတယ်။ တကယ်လက်တွေ့မှာဖြစ်မလာနိုင်တဲ့ စိတ်ကူယဉ်စီမံချက်များကို အသုံးပြုပြီး မြန်မာပြည်သူလူထုသာမက နိုင်ငံတကာကိုပါ သူ့ရဲ့ထောက်လှန်းရေးအဖွဲ့ကြီးအပေါ် မျော်လင့်ချက်များ ထားလာအောင်လှည့်ဖြားစည်းရုံးနိုင်သူများလည်းဖြစ်ပါတယ်။ ဗိုလ်ချုပ်မှူးကြီးသန်းရွှေ၊ ဗိုလ်ချုပ်ကြီး မောင်အေးတို့ဦးဆောင်တဲ့အဖွဲ့ဟာ တိုင်းပြည်အာဏာနဲ့ပတ်သက်လာရင် ဗိုလ်ချုပ်ကြီးခင်းညွန့်တို့နှင့် ဘာမှ မကွာခြားဘဲ ထူးမခြားနားအဖွဲ့ဖြစ်ပါတယ်။ ဗိုလ်ချုပ်ကြီးခင်ညွန့်လိုဘဲသူတို့လည်းတိုင်းပြည်အာဏာကို ပြည်သူလူထုထံဘယ်တော့မှလွဲပြောင်းမပေးရေးဆိုတဲ့မူကို ကိုင်စွဲထားသူများဖြစ်ပါတယ်။ အဓိကခြားနား ချက်ကတော့ ကောက်ကျစ်စဉ်းလဲတဲ့နေရာမှာ ဗိုလ်ချုပ်ကြီးခင်ညွန်တို့အဖွဲ့လောက် ကျွမ်းကျင်လိမ္မာမှုမရှိ သေးတဲ့ကိုယ်လုပ်ချင်ရာကို ဇွတ်တရွတ်လုပ်မယ့် အဖွဲ့ဖြစ်တာကြောင့်အနှေးနှင့်အမြန်ဆိုသလို အာဆီယံ အဖွဲ့အစည်းများရဲ့ အရေးယူမှုကိုခံရနိုင်တဲ့အလားအလာရှိပါတယ်။
          အားဆီယံအဖွဲ့ဝင်နိုင်ငံများအနေဖြင့် ဗိုချုပ်ကြီးခင်ညွန့်ရာထူးမှ ဖယ်ရှားခံရပြီးတဲ့နောက်ပိုင်းမှာ ဘာလုပ်ရမှန်းမသိဘဲလမ်းစပျောက်နေတဲ့အခြေအနေကိုရောက်နေပါတယ်။ ထိုင်းနိုင်ငံဝန်ကြီးချုပ် သတ်(သက်)ဆင်လိုအရှက်မရှိဘဲ မိမိကိုယ်ကျိုးစီးပွားတခုတည်းကိုဘဲကြည့်မှာလား၊ ဒါမှမဟုတ်မြန်မာပြည် သူများရဲ့လက်တွေ့ခံစားနေရတဲ့ဒုက္ခကို သဘောပေါက်ပြီး အမှန်တရားဘက်ကရပ်မှာလားဆိုတာကတော့ အချိန်ကဆုံးဖြတ်ပါလိမ့်မယ်။
          ဥရောပနိုင်ငံများနှင့်အမေရိကန်ပြည်ထောင်စုတို့ရဲ့အခြေအနေကို ကြည့်မယ်ဆိုရင် အမေရိကန် ပြည်ထောင်စုတနိုင်ငံတည်းရဲ့ လုပ်ဆောင်ချက်များသာ အားရဖွယ်ရှိတာကိုတွေ့ရပါမယ်။ ကမ္ဘာ့ကုလသမဂ္ဂ အဖွဲ့ကြီးကိုကြည့်ရင်လည်း မြန်မာနိုင်ငံအတွက်အားရဖွယ်မရှိတာကို တွေ့ရပါမယ်။ လုပ်ရိုးလုပ်စဉ်ဖြစ်တဲ့ နအဖအစိုးရအား ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ်နှင့်အမျိုးသားပြန်လည် သင့်မြတ်ရေးအတွက်ညှိနှိုင်းဆောင်ရွက်ဖို့တိုက်တွန်းတာကလွဲလို့ အခြားအလေးထားလောက်တဲ့ ထူးခြားတဲ့ ဆောင်ရွက်ချက်များလုပ်ဆောင်တာကိုမတွေ့ရပါ။
         ပြည်တွင်းအတိုက်အခံအင်အားစုများ၏ အဓိကနေရာမှာရှိတဲ့အမျိုးသာဒီမိုကရေစီအဖွဲ့ချုပ်ဟာ အခိုက်အတန်အားဖြင့်ပြည်တွင်းမှာပုံမှန်လုပ်ငန်းများလုပ်ဆောင်လို့မရနိုင်လောက်အောင် နအဖအစိုးရ၏ စနစ်တကျအကြပ်ကိုင်အရေးယူမှုများနှင့် ရင်ဆိုနေရပါတယ်။ ဒေါ်အောင်ဆန်းစုကြည်နှင့် ဦးတင်ဦးတို့ကို နေအိမ်အကျယ်ချုပ်ချထားခြင်း၊ မြန်မာနိုင်ငံတာဝန်ရှိအမျိုးသားဒီမိုကရေစီအဖွဲ့ချုပ်များနှင့် အဖွဲ့ဝင်များ ကိုလည်းပြင်းပြင်းထန်ထန်ချုပ်ချယ်ထားမှုကြောင့် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ် တို့ဟာ ရှေ့လုပ်ငန်းစဉ်အသစ်များ ရေးဆွဲရေးကိုလည်း မလုပ်ဆောင်နိုင်သည်ကိုတွေ့နေရပါတယ်။
          ပြည်ပအတိုက်အခံ အဖွဲ့အစည်းများကိုကြည့်မယ်ဆိုရင် ပြည်တွင်းရှိဒီမိုကရေစီအင်အားစုများထက် တစ်ဦးချင်းအလိုက်ရောအဖွဲ့အစည်းအလိုက်ပါ လွတ်လပ်မှုအပြည့်အ၀ရှိကြပါတယ်။ သို့ရာတွင် စည်းလုံး ညီညွတ်ခြင်းဆိုတဲ့ရောဂါဆိုးကြီး၏ဖိစီးမှုကြောင့် အဖွဲ့များအချင်းချင်းညှိနှိုင်းပြီးဆောင်ရွက်ရမည့်လုပ်ငန်း များကိုအရှိန်အဟုန်ဖြင့်ဆောင်ရွက်နိုင်ခြင်းမရှိသေးတာကို တွေ့ရပါတယ်။ အထင်ရှားဆုံးဥပမာအဖြစ် နိုငံ တကာအဖွဲ့အစည်းများ အစိုးရအဖွဲ့များနှင့်ဆက်သွယ်ပြီး ပြည်တွင်းဒီမိုကရေစီအင်အားစုများအတွက် လိုလားချက်များကိုတသွေးတသံတည်း ဟန်ချက်ညီညီ ပြတ်ပြတ်သားသားတင်ပြတောင်းဆိုနိုင်ခြင်းမရှိသေး သည်ကိုတွေ့ရပါတယ်။
          ၂၀၀၄-ခုနှစ်အတွင်း ပေါ်ပေါက်ခဲ့တဲ့အဖြစ်အပျက်များကို အတိုချုံးသုံးသပ်ပါက ဘယ်သူခွဲခွဲတို့မကွဲ၊ အမြဲစည်းလုံးမည် ဟုအမှန်တရားကိုဖုံးကွယ်ပြောလေ့ရှိတဲ့ စစ်အာဏာရှင်အစိုရဟာ ဘယ်လိုမှဖုံးဖိလို့မရ တော့တဲ့တပ်မတော်အတွင်းကြီးမားတဲ့အကွဲအပြဲအထုပ်ကြီးကို နိုင်ငံတကာသိအောင် ဖြည်ပြလိုက်ရခြင်းဟာ အဓိကကျတဲ့ပြောင်းလဲချက်တစ်ခုဖြစ်ပါတယ်။ အမျိုးသားခေါင်းဆောင်ကြီး ဗိုလ်ချုပ်အောင်ဆန်းအသုံးပြု ပြောဆိုခဲ့တဲ့ စားမားတွေရဲ့ညီညွတ်မှုဟာ စည်းစိမ်နှင့်အာဏာယစ်မူးမှုကိုအခြေံထားတာမို့ သူတို့မျော်လင့် ထားခဲ့သလိုကြာကြာမခံဘဲ ပြိုကွဲသွားရခြင်းဘဲဖြစ်ပါတယ်။ နောက်လာမယ့်မကြာသေးမီအချိန်အတွင်းမှာ လည်းစစ်ဗိုလ်ချုပ်ကြီးများအချင်းချင်းဖြုတ်ထုတ်မှုများဆက်တိုက်ပေါ်ထွက်လာတာကို မြင်တွေ့လာရဦးမှာ ဖြစ်ပါတယ်။ ယခုကဲ့သို့စစ်အာဏာရှင်အုပ်စု စတင်ပြိုကွဲတဲ့အချိန်ဟာ ပြည်သူလူထုတရပ်လုံးနှင့်အတိုက်အခံ အင်အားစုတို့အတွက် မိမိတို့လိုလားတဲ့ဒီမိုကရေစီစနစ်တည်ဆောက်ရေးအတွက် ဆောင်ရွက်ရန်အခွင့် ကောင်းရရှိတဲ့အချိန်ဘဲ ဖြစ်ပါတယ်။ 
          စစ်အာဏာရှင်များအတွင်း ညီညွတ်မှုပြိုကွဲသောကြောင့် ပြည်သူများလိုလားသည့်ဒီမိုကရေစီစနစ် ပြည်သူများလက်ထဲသို့အလိုလိုရောက်လာမည့်မဟုတ်ပါ။ နအဖအစိုးရဟာ ယခုကဲ့သို့အင်အားချိနဲ့သည့် အခြေအနေမှပြန်လည်ပြီးနလန်ထုလာအောင် ၂၀၀၅-ခုနှစ်အတွင်းအပြင်းအထန်ကြိုးစားမှာဖြစ်ပါတယ် အလားတူပင်ယခု ၂၀၀၅-ခုနှစ်အတွင်းတွင်ပြည်တွင်းပြည်ပဒီမိုကရေစီအင်အားစုများအနေဖြင့်လည်း စစ်အာဏာရှင်နှင့်ယှဉ်ပြိုင်အနိုင်ရရှိဖို့အတွက် အင်အားအတောက်တင်းဆုံးအခြေအနေသို့ရောက်ရှိအောင် ကြိုးစားတည်ဆောက်ရပါမယ် ထိုသို့ရောက်ရှိရေးအတွက်ပထမဦးဆုံးအကောင်အထည်ဖေါ်ရမယ့်အဓိက လုပ်ငန်းမှာပြည်ပရောက်ဒီမိုကရေစီအတိုက်အခံအင်အားစုများအတွင်း စည်းလုံးညီညွတ်ရေးရှိဖို့ဖြစ်ပါတယ် အဓိကအကြောင်းမှာပြည်ပအင်အားစုများညီညွတ်ပြီး အင်အားတောင့်တင်းမှသာ နအဖအစိုးရအပေါ် နိုင်ငံ တကာအစိုးရများမှဖိအားတိုးမြှင့်လာအောင်စည်းရုံးနိုင်မှာဖြစ်ပြီး၊တဆက်တည်းမှာဘဲ ပြည်တွင်းအင်အားစု၏ လိုအပ်ချက်များကိုဟန်ချက်ညီညိကူညီပံ့ပိုးပေးနိုင်ပါမယ် သို့မှသာနအဖအစိုးရက ဒေါ်အောင်ဆန်းစုကြည် ဦးဆောင်တဲ့အမျိုးသားဒီမိုကရေစီအဖွဲ့ချုပ်အပါအ၀င် တိုင်းရင်းသာအဖွဲ့အစည်းများနှင့်စစ်မှန်ရိုးသားသော တွေ့ဆုံဆွေးနွေးရေးကိုလက်ခံဆောင်ရွက်လာမှာဖြစ်ပါတယ်။ 
         ပြည်ပရောက်ဒီမိုကရေစီတိုက်ပွဲဝင်အားလုံးနှင့် အတိုက်အခံအဖွဲ့အစည်းများအားလုံးကို အောက်ပါ မေးခွန်းများမေးမြန်းလိုပါတယ်။
(က) ယခုကဲ့သို့ပြည်သူလူထုကြီးတစ်ရပ်လုံးနှင့် ဒီမိုကရေစီရေးတို့အတွက် သေရေးရှင်ရေးတမျှ အရေးကြီး နေသည့်အလှည့်အပြောင်းအချိန်တွင် မိမိကိုယ်ကျိုးတခုတည်းအတွက်ကိုဘဲကြည့်ကြမှာလား(သို့)တိုင်းပြည် နှင့်ပြည်သူလူထုကြီးတရပ်လုံး၏အကျိုးကိုကြည့်ကြမှာလား။
(ခ) ဒီမိုကရေစီအင်အားစုများအားလုံးယနေ့ပြည်သူလူထုကြီးတရပ်လုံးနှင့်မြန်မာနိုင်ငံရောက်ရှိနေသည့် လက်ရှိအခြေအနေ (Status Quo) ကိုကျေနပ်နှစ်သိပ်နေကြပါသလား။
          ပြည်ပရောက်ဒီမိုကရေစီတိုက်ပွဲဝင်များအနေဖြင့် အထက်ပါမေးခွန်းများ၏အဖြေကို ရိုးသားစွာ ဖြေကြားကြည့်စေလိုပါတယ်။ ပြည်ပရောက်ဒီမိုကရေစီတိုက်ပွဲဝင်များအနေဖြင့်ပြည်သူလူထုကြီးတရပ်လုံးနှင့် တိုင်းပြည်၏အကျိုးကိုကြည့်ကြမယ့်သူများသာဖြစ်ပြီးယနေ့ရောက်ရှိနေသည့် မြန်မာနိုင်ငံ၏ နိုင်ငံရေး၊ လူမှုရေးအခြေအနေတို့ကို လုံးဝလက်ခံနိုင်မည့်သူများမဟုတ်ကြဟု အထူးယုံကြည်ပါတယ်။ သို့ဖြစ်ပါ၍ ၂၀၀၅-ခုနှစ်အတွင်းမလွဲမသွေအသုံးပြုရမယ့်ညီညွတ်ရေးလက်နက်မိမိတို့ဝယ်အမြန်ဆုံးရောက်ရှိရန်အတွက် အောက်ပါတို့ကိုဆောင်ရွက်ခြင်းဖြင့်အကောင်အထည်ဖော်ကြပါရန် လေးနက်စွာတိုက်တွန်းလိုက်ပါတယ်။
၁။ ပြည်ပရောက်အတိုက်အခံအဖွဲ့အစည်းများဟာပထမအဆင့်အနေဖြင့် မိမိတို့ရောက်ရှိနေထိုင်ရာ နိုင်ငံ တခုချင်းအလိုက် ဒီမိုကရေစီတိုက်ပွဲဝင်အဖွဲ့အများစုပါဝင်တဲ့ စုစည်းညီညွတ်တဲ့တပ်ပေါင်းစုဖွဲ့စည်းနိုင်ရေး ကိုအမြန်ဆုံးစတင်အကောင်အထည်ဖော်ရန်။
၂။ ဒုတိယအဆင့်အနေဖြင့်ပြည်ပရောက်အတိုက်အခံအဖွဲ့အစည်းများ၏နိုင်ငံတခုချင်းအလိုက်ဖွဲ့စည်းထား ပြီးတဲ့ညီညွတ်သောတပ်ပေါင်းစုများကိုစုစည်းပြီး တစ်ကမ္ဘာလုံးဆိုင်ရာ စုစည်းညီညွတ်သော မြန်မာ့ဒီမိုကရေ စီရေး တပ်ပေါင်းစုဖွဲ့စည်းအကောင်အထည့်ဖော်ရန်။
၃။ မြန်မာနိုင်ငံတွင် ဒီမိုကရေစီစနစ်ပြန်လည်တည်ဆောက်ရေးအတွက် အဓိကကျဆုံးတိုက်ပွဲကိုဆင်နွှဲမယ့် ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ်နှင့်ပြည်တွင်းရှိအခြားဒီမိုကရေစီအင် အားစုများအား ပြည်ပရောက်အတိုက်အခံအဖွဲ့အစည်းများမှ ညီညွတ်စွာဖြင့်စွမ်းအားပြည့်ကူညီပံ့ပိုးပေးရန်။ 

ဦးသန်းအောင်
မြန်မာနိုင်ငံဒီမိုကရေစီရရှိရေး မဟာဗျူဟာလေ့လာရေးအဖွဲ့
Burma Strategy Group for Democracy
အက်ဒ်မင်တန်မြို့
ကနေဒါနိုင်ငံ
နေစွဲ - ၂၀၀၅-ခုနှစ်၊ ဇန္န၀ါရီလ (၄)ရက်

 

မြန်မာ့ဒီမိုကရေစီအရေးအတွက် ယနေ့ဖြေရှင်းရမယ့် ပြဿနာများ

           ခုတလော လူအများစိတ်ဝင်စားမှုအပြည့်နှင့် ငြင်းခုံဆွေးနွေးနေကြတဲ့ အကြောင်းအရာကတော့ စီးပွားရေးပိတ်ဆို့မှုပါဘဲ။ မြန်မာ့ဒီမိုကရေစီရေးတိုက်ပွဲနှင့်ပါတ်သက်တဲ့ အကြောင်းအရာမြောက်များစွား ရှိပါတယ်။ အဲဒီထဲမှာစီးပွားရေးပိတ်ဆို့မှုဟာထင်ရှားတဲ့ အကြောင်းအရာတစ်ခုအဖြစ်ပါဝင်ပါတယ်။ ဒေါ်အောင်ဆန်းစုကြည်က စီးပွားရေးပိတ်ဆို့မှု တစ်ခုတည်းကို အသုံးပြုရုံဖြင့် ဒီမိုကရေစီရေးအတွက် သိသာထင်ရှားတဲ့ပြောင်းလဲမှုမရနိုင်ပါ။ ကြီးမားတဲ့ပြောင်းလဲမှုဖြစ်ပေါ်စေနိုင်တဲ့ အခြားအကြောင်းအရာ အများ အပြားရှိပါတယ်။ အဲဒီထဲမှာ ပြည်သူလူထုရဲ့ကြိုးပမ်းမှုအခန်းကဏ္ဍဟာ ထင်ရှားစွာပါဝင်ပါတယ်။ လို့ဘီဘီစီနဲ့ ဆွေးနွေးတုန်းကပြတ်ပြတ်သားသား ထောက်ပြထားပါတယ်။ 
                   ယနေ့ကျနော်တို့ရောက်ရှိနေတဲ့ ဒီမိုကရေစီရေးလှုပ်ရှားမှုအခြေအနေကို ကြည့်ပါ။
 

Issues that need to be solved in today’s Burmese Democratic movement

The issue of Economic Sanctions has experienced a recent resurgence of interest in the discussions and forums concerning Burma. Of the many issues we face in the Burmese Democratic movement Economic Sanction is one of those that has become more and more heatedly debated and surrounded by controversies. Daw Aung San Suu Kyi had stated that just relying on Economic Sanctions alone is not nearly enough to generate significant changes in Burma’s political environment. According to her there are many factors or conditions essential for change. One of the crucial components necessary for such change is the desire on the part of the populace to actually want to change from the status quo. She pointed that out in a clear, unambiguous language in her interview with the BBC.

 

(ဘီဒဘလျူအိုင်) ဘလော့အကြောင်း

အပြည်ပြည်ဆိုင်ရာမြန်မာနိုင်ငံစောင့်ကြည့်ရေးအဖွဲ့(Burma Watch International) ကို၁၉၈၉-ခု၊နှစ်တွင် တည်ထောင်ခဲ့ပါသည်။ ဤအဖွဲ့၏ဖွဲ့စည်းရခြင်းအကြောင်းရင်းနှင့်ယနေ့အထိမြန်မာ့ဒီမိုကရေစီရေးအတွက် ဆောင်ရွက်ချက်များကို  (www.burmawatch.org) တွင်ဖတ်ရှုနိုင်ပါသည်။

မြန်မာနိုင်ငံ၏လက်ရှိတွေ့ကြုံနေရသည့်နိုင်ငံရေး၊ လူမှုရေးနှင့်စီးပွားရေးအခြေအနေများ ထင်ဟပ်သည့်လုပ်ဆောင်ချက်များကိုမြန်မာနိုင်၏ပြည်တွင်းပြည်ပတွင်နေထိုင်ကြသည့် မြန်မနိုင်ငံတိုင်းရင်းသားအားလုံးနှင့် ဆက်သွယ်ရေးလစ်ဟင်းမှုမရှိစေရန်၊ အမျိုးသားရေးတာဝန်များကိုအုတ်တချပ်သဲတပွင့်အဖြစ် ကျရာနေရာမှ ပါဝင်ပူးပေါင်းဆောင်ရွက်ရေးတို့အတွက် ဤဘလော့ဝက်ဆိုက်ကိုတည်ဆောက်လိုက်ခြင်းဖြစ်ပါသည်။
 

သတင်းကွန်ယက်

 

B.C.N. Statement on Current CFOB Crisis

Peaceful Demonstration for Peace in Burma ( Rakhine )

Burmese Canadian Protest in Toronto

Text

NLD by Elections Manifesto p1