“လေးစားလိုက်နာ”လို့ ပြင်မပေးရင် ဘာဆက်လုပ်မှာလဲ


“လေးစားလိုက်နာ”လို့ ပြင်မပေးရင် ဘာဆက်လုပ်မှာလဲ

တူမောင်ညို။ ဧပြီ ၂၁၊ ၂၀၁၂
           “လေးစားလိုက်နာ” လို့ ပြင်မပေးရင် လွှတ်တော်ထဲ မဝင်သေးဘူးဆိုတဲ့ ဆုံးဖြတ်ချက်က အတည်ဖြစ်ခဲ့ပြီ။ 
           “ဘာမဟုတ်တဲ့ စကားလုံး၊ စကားစုလေး” ကို ကပ်နေတယ်၊ ရမယ်ရှာနေတယ် တဲ့။
“ဘာမဟုတ်တဲ့ စကားလေး၊စကားစုလေး” ကို ဘာကြောင့်လွယ်လွယ်ကူကူ ၊ ကြည်ကြည်သာသာ၊ ပြင်မပေးချင်ရတာလဲ/ ဘာကြောင့်ပြင်မပေးနိုင်ရတာလဲ ဆိုတဲ့ မေးခွန်းကို
ဘယ်လိုဖြေကြမလဲ။
 ပုဒ်မ။  ၆ (စ)  “နိုင်ငံတော်၏ အမျိုးသားနိုင်ငံရေး “ဦးဆောင်မှု” အခန်းကဏ္ဍတွင် တပ်မတော်က ပါဝင်ထမ်းဆောင်နိုင်ရေးတို့ကို အစဉ်တစိုက်ဦးတည်သည်”
အထက်ပါစာပိုဒ်ထဲက “ဦးဆောင်မှု” ဆိုတဲ့စကားလုံး က ဘာမဟုတ်တဲ့ စကားလုံးလား။အဲဒီစကားလုံးပြင်ပေးပါလို့ တောင်းဆို လာရင် အဆိုပြုလာရင် ဘာမဟုတ်တဲ့စကားလုံးပဲ ဆိုပြီးအလွယ်တကူပြင်ပေးနိုင်ပ့ါမလား။ 
“နိုင်ငံရေးအရေးအကျဉ်းသား”၊“ယုံကြည်ချက်ကြောင့် အကျဉ်းချခံနေရသူ” ဆိုတာတွေကို ဦးသိန်းစိန်အစိုးရက လက်မခံတာ ဟာ ဘာမဟုတ်တဲ့ စကားလုံး၊ စကားစုတွေမို့လား။
စကားကပ်ပြီးသက်သက်မဲ့ငြင်းခုန်နေတာလား။
မတူတာတွေဆိုပြီး ဘေးဖယ်ထားရ မှာလား။
“စည်းကမ်းပြည့်ဝသော ပါတီစုံဒီမိုကရေစီစနစ်” ဆိုတဲ့စကားရပ်ထဲက “စည်းကမ်းပြည့်ဝသော” ဆိုတဲ့ စကားလုံးနဲ့စကားရပ်က ဘာမဟုတ်တဲ့စကားလုံးကို ကပ်သီးကပ်သပ်
အပိုထည့်ထားတာလား။
ဥပဒေဆိုတာကို လူတွေကစကားလုံးတွေစကားစုတွေကို သဒ္ဒါသတ်ပုံနည်းကျစွာနဲ့ရေးသားထားတာပဲ။လူတွေရေးထားတာကို လူတွေကပြင်ပေးဖို့ ဖြည့်စွက်ဖို့ တောင်းဆိုတာဟာ ဘာမှပြဿနာမရှိပါဘူး။ ဆွေးနွေးငြင်းခုန်တယ်ဆိုတာ စကားလုံးကို မသုံးဘဲ၊ အမူ အယာနဲ့ငြင်းခုန်ကြရမှာလား။
ကျနော်မြင်တာတော့ စကားလုံး၊ စကားစုတွေထက် ပိုအရေးကြီးတာက ပြင်ဆင်ပေးလိုတဲ့ဆန္ဒနဲ့ သဘောထားရှိ/မရှိ ဆိုတဲ့ အချက်က ပိုပြီးအရေးကြီးပါတယ်။
အဓိကတော့ Political will ရှိ/မရှိ ဆိုတဲ့အချက်က အခရာကျပါ။ အဆုံးအဖြတ်ဖြစ်ပါတယ်။
အဆုံး အဖြတ်က ပြည်ထောင်စုလွှတ်တော် (ပြည်သူ့လွှတ်တော်+ အမျိုးသားလွှတ်တော်) ထဲမှာ အများစုဖြစ်တဲ့ ကြံ့ဖွံ့ပါတီ (USDP) က လွှတ်တော်အမတ်များနဲ့
တပ်မတော်ကာကွယ်ရေးဦးစီးချုပ် ဗိုလ်မင်းအောင်လှိုင်ရဲ့ (၁၆၆)ဦးသော စစ်သားအမတ်တွေ အပေါ်မှာ မူတည် နေပါတယ်။ သူတို့တတွေမှာ ပြင်ဆင်ပေးလိုတဲ့ ဆန္ဒနဲ့သဘောထားမရှိရင် ပြင်ဆင်ပေးရေးတောင်းဆိုချက် လက်တွေ့ ဖြစ်မလာ နိုင်ပါဘူး။
ဒေါက်တာအေးမောင်(RNDP-ပါတီဥက္ကဋ္ဌ)ကဲ့သို့ “ပြင်ဆင်ပေးဖို့ကျနော်တို့ လွှတ်တော်မှာ တာဝန်ရှိတယ်” ဆိုတဲ့ ဆန္ဒသဘော ထားမှန်သူတွေ လွှတ်တော်ထဲမှာ အများစုဖြစ်နေမယ်ဆိုရင် ပြင်ဆင်ရေးဟာလက်တွေ့ဖြစ်မြောက်လာနိုင်ပြီး၊   ဦးသန်းမောင် (ပြည်သူ့ လွှတ်တော်ဥပဒေရေးရာနှင့် အထူးကိစ္စရပ်များလေ့လာဆန်းစစ်သုံးသပ်ရေးကော်မရှင်အဖွဲ့ဝင်) ကဲ့သို့ “ဘာမဟုတ်တဲ့ အငြင်းပွားမှု” လို့ ကြည့်မြင်ပြီး ပေါ့ပေါ့တန်တန် သဘောထားရှိသူတွေသာ အများစုဖြစ်နေရင်တော့ ပြင်ဆင်ရေးဟာ လက်တွေ့ဖြစ်မြောက်မလာနိုင်ပါဘူး။
ဒီကိစ္စနဲ့ပတ်သက်ပြီး  (NLD)ပါတီကို ဝန်းရံကြမယ်ဆိုတဲ့ (ပြည်တွင်း/ပြည်ပ) လွှတ်တော်ပြင်ပအင်အားစုတွေရဲ့အသံသိပ် မကြားရတာလည်း ထူးခြားတယ်။
ယခုကိစ္စသည် စကားလုံးသက်သက်ကို အငြင်းပွားနေခြင်းမဟုတ်ပါ။ အဲဒီစကားလုံးကဖေါ်ပြနေတဲ့ နိုင်ငံရေးပြဿနာကို ပြော နေကြရတာဖြစ်ပါတယ်။ကြားဖြတ်ရွေးကောက်ပွဲကာလဟောပြောချက်မှာဖေါ်ပြခဲ့တဲ့ NLD ပါတီ ရဲ့ ထိပ်တန်းတာဝန် ၃ ရပ် (တရား ဥပဒေစိုးမိုးရေး၊ ပြည်တွင်းငြိမ်းချမ်းရေးနဲ့ ဖွဲ့စည်းပုံအခြေခံဥပဒေပြင်ဆင်ရေး )နဲ့ ထဲထဲဝင်ဝင်ဆက်နွှယ် ပတ်သတ်နေ တဲ့ကိစ္စ လည်းဖြစ် ပါတယ်။ အခုနောက်ထပ်ခြေလှမ်းကတော့ ပြည်သူ့လွှတ်တော်နဲ့ အမျိုးသားလွှတ်တော် ထံ (NLD) ပါတီ က စာရေးတင်ပြမယ်လို့ဆိုပါ တယ်။
ဖြစ်စဉ်တွေကိုအခုလိုစီပြီး ကြည့်တော့ –
၁၁ ဧပြီမှာ (NLD) ဥက္ကဋ္ဌ ၊ နေပြည်တော်သွားပါတယ်။ သမ္မတနဲ့ ဒုတိယအကြိမ်တွေ့ပါတယ်။
သတိပြုမိတဲ့အချက်က ပထမတစ်ကြိမ်(၁၉ သြဂုတ်၂၀၁၁) တွေ့ဆုံစဉ်ကလို ဥက္ကဋ္ဌနဲ့ သမ္မတ တွေ့ဆုံတဲ့သတင်းဓါတ်ပုံနဲ့သတင်း လည်း အစိုးရသတင်းစာတွေမှာဖေါ်ပြတာမတွေ့မိပါဘူး။
၁၄ ဧပြီမှာ (NLD) ပါတီ ပြောရေးဆိုခွင့်ရှိသူ ဦးဉာဏ်ဝင်း နေပြည်တော်သွားပြီး သမ္မတ ထံ “အကြံပြုစာ ” တင်ပါတယ်။
၁၉ ဧပြီမှာ နေပြည်တော်ဖွဲ့စည်းပုံခုံရုံးက ဖိတ်လို့ဆိုပြီး ဦးဉာဏ်ဝင်း နေပြည်တော်သွားပါတယ်။ နေပြည်တော်ခုံရုံးက လက်ချာ ရိုက်လွှတ်လိုက်တဲ့ပုံပါပဲ။
၂၃ ဧပြီ သတင်းစာရှင်းလင်းပွဲမှာ ဦးဉာဏ်ဝင်း အခုလိုရင်ဖွင့်ပါတယ်။
“ — သဘောမတူတဲ့ အချက်တွေ ရှိပါတယ်။ သဘောမတူတဲ့အချက်တွေကို ပြောပါလားဆိုရင် ကျွန်တော်တို့က အမှုတစ်ခု ကြားနာနေတာမဟုတ်ဘူး။ အမှုတစ်ခုဆိုရင်တော့ ကျွန်တော်ရှေ့နေပါ။ လျှောက်လဲချက်ကို ဆယ်ခါမက ပေးနိုင်တယ်။ ပေးတတ်တယ်”
လို့ ပြောပါတယ်။
ဖြစ်စဉ်အပေါ် အကြမ်းဖျင်း ခြုံငုံသုံးသပ်ရရင် သမ္မတထံအကြံပြုစာတင်တယ်။ သမ္မတ မတတ်နိုင်ဘူးဆိုတဲ့ အချက် ပေါ်လွင်ပါ တယ်။
သမ္မတက “လွတ်ငြိမ်းချမ်းသာခွင့်”ပေးနိုင်တဲ့သမ္မတမဟုတ်ဘူး။ “လွှတ်ငြိမ်းသက်သာခွင့်” လောက်သာပေးနိုင်တဲ့ သမ္မတဖြစ် ပါတယ်။ အခုကိစ္စက ဖွဲ့စည်းပုံဆိုင်ရာခုံရုံးနဲ့
ပြည်ထောင်စုလွှတ်တော်တို့က အရေးပိုင်တဲ့ကိစ္စဖြစ်ပါတယ်။
ခုံရုံးကခေါ်လို့သွားရတယ်၊ ခုံရုံးက“ရှင်းပြ”(လက်ချာပေး) တာတွေနားထောင်ခဲ့တယ်။ ရှင်းပြချက်တွေထဲမှာ သဘောမတူတာ တွေရှိတယ်။ ဒါကြောင့် နောက်ထပ်ကြိုးစားမှုအဖြစ် ပြည်သူ့လွှတ်တော်နဲ့ အမျိုးသားလွှတ်တော်ထံ (NLD) ပါတီက စာရေးတင်ပြတာဖြစ် ပါလိမ့်မယ်။ အကယ်၍ ပြည်သူ့လွှတ်တော်နဲ့ အမျိုးသားလွှတ်တော်ဥက္ကဋ္ဌတွေကလည်း ဖွဲ့စည်းပုံအခြေခံဥပဒေဆိုင်ရာခုံရုံးက ခေါ်ပြီး ရှင်းပြသလို “ရှင်းပြ” (လက်ချာထပ်ပေး) နေရင် (NLD)ပါတီ ဘာဆက်လုပ်မလဲ။
ညွန်း
-       (ဧပြီ ၁၁ မှ ၂၁ အထိ )ပြည်တွင်း/ပြည်ပ မီဒီယာသတင်းများ
 

မြန်မာ့ဂုဏ်မြှင့်ချင်လွန်းလို့ (၁)


မြန်မာ့ရိုးရာသင်္ကြန်ပွဲတော်

ကမ္ဘာပေါ်ရှိယဉ်ကျေးသောလူမျိုးတိုင်းနှစ်ဟောင်းကုန်၍နှစ်သစ်ဆန်းလာသည်ကိုအလေးအ
မြတ်ထားကြသည်။မိမိတို့ယဉ်ကျေးမှုရိုးရာဓလေ့ထုံးစံအလိုက်နှစ်သစ်ကူးပွဲတော်များကျင်းပ၍
 နှစ်ဆန်းနှစ်သစ်ကိုကြိုဆိုလေ့ရှိကြသည်။ ဤသည်မှာယဉ်ကျေးသောလူမျိုးတိုင်းထိန်းသိမ်းအပ်
သောမွန်မြတ်သည့်အစဉ်အလာတရပ်ဖြစ်သည်၊ ကျွန်ုပ်တို့မြန်မာလူမျိုးတို့သည်လည်းနှစ်
ဟောင်းမှနှစ်သစ်သို့ကူးပြောင်းချိန်တွင်နှစ်သစ်ကူးပွဲတော်ကိုခြိမ့်ခြိမ့်သဲကျင်းပကာနှစ်သစ်ကို
ကြိုဆိုကြမြဲဖြစ်ပေသည်။ယင်းနှစ်သစ်းကူပွဲတော်ကိုမြန်မာတို့ကသင်္ကြန်ပွဲတော်ဟုခေါ်ဝေါ်ကြ
သည်။

ကျွန်တော်တို့မြန်မာလူမျိုးများသည်ငယ်စဉ်ကလေးဘဝကစ၍မြန်မာ့ရိုးရာယဉ်ကျေးမှုအဖြစ်
ဆယ့်နှစ်ရာသီပွဲတော်များနှင့်ရင်းနှီးခွင့်ပါဝင်ဆင်နွှဲခွင့်ကိုရကြသည်၊မြန်မာလ(၁၂)လတွင်လ
အလိုက်ကျင်းပသည့်ဆယ့်နှစ်ရာသီမြန်မာ့ရိုးရာပွဲတော်များရှိရာ၊တန်ခူးလတွင်သင်္ကြန်ပွဲ၊က ဆုန်လတွင်ညောင်ရေသွန်းပွဲတို့သည်အလွန်ထင်ရှားသည့်ပွဲများဖြစ်ကြပါသည်။

မြန်မာလူမျိုးတို့သည်နှစ်သစ်ကူးသင်္ကြန်ကျချိန်၌သိကြားမင်းသည်နတ်ပြည်မှလူ့ပြည်သို့ဆင်း
သက်လာသည်ဟုယုံကြည်ကြသည်။ ထိုယုံကြည်ချက်အရ လူကြီးများက ကလေးများအား
သင်္ကြန်တွင်း၌ ဆဲရေးတိုင်းထွာခြင်းစသည့် မကောင်းမှု ကို မပြုကြနှင့်၊ပြုမိလျှင် သိကြားမင်းက
ခွေးသားရေနှင့် မှတ်သွားလိမ့်မယ် စသည်ဖြင့်နှစ်သစ်ကူးမင်္ဂလာ အခါတော်အချိန်၌ မကောင်း
မှုများကို လူငယ်များမကျူးလွန်မိရန်ခြိမ်းခြောက်လေ့ရှိကြခြင်းဖြစ်သည်။သိကြားမင်းလူ့ပြည် 
သို့ဆင်းချိန်ကို သင်္ကြန်စ ကျချိန်ဟု၎င်း၊နတ်ပြည်သို့ပြန်တက်ချိန်ကိုသင်္ကြတက်ချိန်ဟု၎င်း
သတ်မှတ်ကြသည်၊ ထို့ကြောင့်သိကြားမင်းကိုသင်္ကြန်မင်းဟု ခေါ်ဝေါ်ရေးသားကြပေသည်။
နှစ်သစ်ကူးချိန်တွင်သိကြားမင်းလူ့ပြည်သို့ဆင်းလာသည့်အခါကျွဲနွားစသောသတ္တဝါတကောင်ကောင် ကိုစီး၍ဖြစ်စေမီးရှူးတိုင်စသောဝတ္တုပစ္စည်းတခုခုကိုကိုင်ဆောင်၍ဖြစ်စေဆင်းလာ လေ့ရှိသည်ဟု
 ဗေဒင်ပညာရှင်များကဆိုကြ၏။သို့ဖြစ်၍သင်္ကြန်စာများ၌ယ္ခုနှစ်တွင်သိကြားမင်းသည်မည်သည့် သတ္တဝါကိုစီး၍မည်သည့်အရာကိုကိုင်ဆောင်ပြီးဆင်းမည်ကိုရုပ်ပုံနှင်တကွဖေါ် ပြလေ့ရှိကြပေသည်။ 

အကယ်၍သင်္ကြန်မင်းသည်လှံကို ကိုင်ဆောင်ဆင်းလျှင် တိုင်းပြည်တွင် စစ်မက်ဖြစ်ပွား
မည်၊ ရောဂါအန္တရာယ် ထူပြောမည် စည်ဖြင့်မကောင်းသည့် နိမိတ်အဖြစ် မှတ်ယူကြသည်၊
ရေကရားကိုဖြစ်စေ၊မီးရှူးမီးတိုင်ကိုဖြစ်စေ၊ တောင်ဝှေးကိုဖြစ်စေ ကိုင်ဆောင်ဆင်းလာလျှင်
တိုင်းပြည်ဝပြောမည်၊ မိုးကောင်းမည်၊ကောက်ပဲသီးနှံများ ဖွံ့ဖြိုးမည်စသည်ဖြင့် နိမိတ်ကောင်း
ဟုမှတ်ယူကြသည်။ အကယ်၍သိကြားမင်းသည်နဂါးကိုစီး၍ဆင်းလာလျှင်လေထုမငြိမ်မသက် 
ဖြစ်မည်၊ရုတ်တရက်လေပြင်းမုန်တိုင်းကျရောက်မည်ဟုယုံကြည်ကြသည်။ယ္ခုရောက်ရှိသည်
မြန်မာနှစ်သစ်(၁၃၇၄ခုနှစ်)ဟာမြန်မာနိုင်ငံသူနိုင်ငံသားများအတွက်နိမိတ်ကောင်းမကောင်း သိရှိလိုသူများအနေဖြင့်၊ယ္ခုနှစ်သင်္ကြန်ပွဲတော်တွင်သိကြားမင်းဘယ်လိုသတ္တဝါကိုစီးပြီးမည် သည့်အရာကိုကိုင်ဆောင်ဆင်းခဲ့သည်ယ္ခုနှစ်အတွက်ထုတ်ပြန်ထားသည့်သင်္ကြန်စာတွင်ကြည့်
ရှုနိုင်ပါသည်။

သင်္ကြန်ပွဲတော်တွင်ရှေးအခါကရေပက်ဖျန်းကစားကြခြင်းသည်အလွန်ယဉ်ကျေးသိမ်မွေ့
ကြောင်းစာဆိုတော်ဦးအောင်ကြီးက-

တာသဘင်ဝယ်၊ဆင်ယင်တုပ ၊လွ-ရရွတည့်၊ငြိမ့်မှုစောင်းငြင်း၊
အဲ့သီချင်းနှင့်၊ထုံသင်းနံ့သာ၊ရေသီတာဝယ်၊စမ္ပာကရမက်၊
ပန်းပေါင်းဖက်၍၊ရွှေခွက်အပြည့်၊မွှေးမျိုးထည့်ကာ၊လည်လှည့်ဖူလှယ်
တင့်စံပယ်လျက်၊မြူးရယ်ရွှင်သား၊လွန်ကျော်ပါးသည်။ ။
ကစားထုံရည် ဖျန်းတည့်လေ-
ဟုဖွဲ့ဆိုထားသကဲ့သို့ စမ္ပာကရမက်စသောသင်းပျံ့မွှေးကြိုင်သည့် နံ့သာရည် အမွှေးရည်တို့ဖြင့်ယဉ်ကျေးစွာပက်ဖျန်းလေ့ရှိကြသည်။ လူပျိုတော်ကာလသားများက အမျိုးသမီးအပျိုအရွယ်များကိုရေပက်လိုသော်မိဘများထံခွင့်ပန်တောင်းယူ၍အမွှေးနံ့သာရည်
တို့ဖြင့်ယဉ်ကျေးသိမ်မွေ့စွာပက်ဖျန်းကြသည်။ ယ္ခုခေတ်ကာလကဲ့သို့နောက်ပြောင်ခြင်းစသောရိုင်းစိုင်းသည့်အပြုအမူများကိုအလျှင်းမတွေ့ရချေ၊ ဘိုးတော်မင်းတရားလက်ထက် ၁၇၉၅-ခုနှစ်တွင်ကက်ပတိန်မိုက်ကယ်ဆိုင်းဆိုသူဗြိတိသျှ
သံအမတ်တဥိးသည် သင်္ကြန်ပွဲတော်အတွင်းပဲခူးမြို့သို့ရောက်ခဲ့ရာ ပဲခူမြို့ဝန်တော်၏သမီးလေးကစန္ဒကူးနှင်းရည်ဖြင့်မိဘနှစ်ပါးအားရေကန်တော့သည်ကိုတွေ့ခဲ့ရ၏။ ကက်ပတိန်ဆိုင်းက မြန်မာလူမျိုးတို့သည်ယဉ်ကျေးသိမ်မွေ့စွာရေပက်ခြင်းမေတ္တာအရင်းခံ၍သန့် စင်စွာရေကစားခြင်းမှာအံ့ဩစရာကောင်းလောက်အောင်ထူးခြားလှကြောင်းသူ၏စာအုပ်တွင်မှတ်တမ်း တင်ခဲ့သည်။နှစ်သစ်တွင်မင်္ဂလာအစစ်ဖြစ်သည့်ကုသိုလ်ရေးများကိုပါယှဉ်တွဲကာသင်္ကြန်ပွဲဆင်နွှဲ သည့်အစဉ်အလာကောင်းတရပ်အဖြစ်ရှေးမြန်မာကြီးများကဖန်တီးခဲ့ကြသည်။သင်္ကြန်ပွဲတော်
ကာလတွင်အလှူဒါနပွဲများခြိမ့်ခြိမ့်သဲဆင်နွှဲကြခြင်း၊စတုဒီသာကျွေးမွေးခြင်း၊ရဟန်းသံဃာတော်
များအားဆွမ်းဘောဇဉ်များကပ်လှူခြင်း၊ဗုဒ္ဓရုပ်ပွါးတော်များအားရေသပ္ပါယါခြင်း၊ဥပုသ်သီတင်း
ဆောက်တည်ခြင်း၊ဘိုးဘွားမိဘများဆရာသမားစသူတို့အားပူဇော်ကန်တော့ခြင်း၊ ကျွဲနွားစ
သည့်တိရစ္ဆာန်များကိုဘေးမဲ့လွှတ်ခြင်းစသည့်မွန်မြတ်သန့်စင်သောကုသိုလ်ကောင်းမှုများပြုလုပ်ကြ ရာမြတ်နိုးဖွယ် လေးစားဖွယ် နှစ်လိုဖွယ် ထာဝစဉ်ထိန်းသိမ်းစောင့်ရှောက်ကောင်းသည့်
မြန်မာ့သင်္ကြန်ပွဲ၏အနှစ်သာရများဖြစ်ပေသည်။

အလားတူပင်နှစ်သစ်ကူးမင်္ဂလာအခါတော်တွင်မြန်မာလူမျိုးတို့ တဦးနှင့်တဦးကြည်နူးစွာရေပက်ကစားကြခြင်းသည်၊ အေးမြကြည်လင်ခြင်း၊အညစ်အကြေးကို
ဆေးကြောခြင်းနှင့်ရေကိုသား၍အကြားမထင်ပဲ ဆက်စပ်နေခြင်းတည်းဟူသောရေ၏နိမိတ်သုံး
ပါးကိုယူကြခြင်းပင်ဖြစ်သည်၊ထိုရေနိမိတ်အရနှစ်ဟောင်းမှအညစ်အကြေးများကိုဆေးကြော
သန့်စင်စေသည့်သဘော၊မြန်မာပြည်သူပြည်သားများ၏စိတ်ဓာတ်များနှစ်သစ်ကူးရေစင်ကဲ့သို့
အေးမြကြည်လင်စေလိုသည့်သဘောဖြစ်သည့်အပြင်မြန်မာနိုင်ငံသူနိုင်ငံသားများအချင်းချင်းရေကိုသား၍ အကြားမထင်သကဲ့သို့စည်းစည်းလုံးလုံးချစ်ချစ်ခင်ခင်နေထိုင်ဆက်ဆံကြရန်ဟူ
သောမွန်မြတ်သောရည်ရွယ်ချက်များဟာမြန်မာသင်္ကြန်ပွဲတော်(ဝါ)မြန်မာနှစ်သစ်ကူးပွဲရဲ့ထိန်း
သိမ်းစောင့်ရှောက်ရမည့်မြန်မာ့ယဉ်ကျေးမှုပင်ဖြစ်ပါသည်။


၁၃၇၄ခု မြန်မာနှစ်သစ်မှာမိရိုးဖလာမွန်မြတ်တဲ့မြန်မာ့ယဉ်ကျေးမှုကိုမြန်မာတိုင်းကလေးလးစား စားထိန်းသိမ်းစောင့်ရှောက်ကြဖို့နှင့်ကမ္ဘာ့အလယ်မှာမြန်မာ့ဂုဏ်ကိုဖက်ပေါင်းစုံပူးပေါင်းမြင့်တင်ကြပါစို့။

မှီငြမ်း  ။    ။ ဆယ့်နှစ်လရာသီ မြန်မာ့ရိုးရာ ရာသီပွဲတော်များ ဦးအေးနိုင် (ဘီအေ) အစိုးရှဓမ္မာစရိယ နှင့်စေတယင်္ဂဏ (ရွှေတံဆိပ်ဆုရ အဌကထာပြန်အကျော်)


သန်းအောင်(ရှမ်းကွင်းကြီးရွာ၊ ဖျာပုံ)

၂၀၁၂-ခု ဧပြီလ(၁၆)ရက်
 

ပိတောက်ရွှေဝါ

ပိတောက်ရွှေဝါ
လတန်ခူးပေမို့၊အလှထူးပါဘိ၊
မြမြဖူးရယ်တဲ့ ခိုင်ရွှေဝါ။

တကယ်တမ်းသာဖြင့်၊ ဘယ်ပန်းတော် စံမတူဘူ့၊
နန္ဒမူ ဖန်ကူထိပ်မှာလ၊
ပစ္စေကာချွေးတော်သိပ်ရတယ်၊ ဧရိပ်ဆာယာ။

တနှစ်တွင် သည်တလပေပ၊တလတွင်တရက်ထဲ
ခက်ခဲတဲ့ရက်ဗုဒ္ဓါ၊ပွင့်ရှာကြစုံမြိုင်တွင်း။
မြူမင်းလွင်ထန်၊ ကြူသင်းတာချိန်ယံမတော့

ရွှေဝတ်ဆံငုံတံညှောက်ကယ်နှင့်၊
ခါသင်္ကြန်ဂိမှာန် ရောက်ပြန်တော့၊
သိန်သရေထိန်ဝေလို့ တောက်တဲ့ပြင်၊
လမ်းတလျှောက်သင်းပါဘိ၊
ဆန်းသလောက်မလင်းနိုင်နိုင်ဘူး၊
ပန်းပတောက်မင်း။

စာဆိုတော်ဦးကြော့
 

ကြည့်သောသူသည်မြင်၏ (၁)

ကြည့်သောသူသည်မြင်၏ (၁)

၂၀၁၂ခုနှစ်ဟာမြန်မာပြည်သူတွေအတွက်ထူးခြားတဲ့နှစ်လို့ပြောနိုင်ပါတယ်၊ဘာ့ကြောင့်လဲဆိုရင်၊ဒီနှစ်မှာမြန်မာနိုင်ငံကိုမြန်မာစစ်ဗိုလ်ချုပ်တွေစစ်အာဏာရှင်စံနစ်ဖြင့်အုပ်ချုပ်လာတာနှစ်(၅၀)ပြည့်လို့ဒီဗိုလ်ချုပ်တွေဟာသူတို့ရဲ့အောင်မြင်မှု
အတွက်နှစ်(၅၀)ပြည့်ရွှေရတုသဘင်ကျင်းပချင်လောက်အောင်ပျော်ရွှင်ကြမည့်နှစ်ဖြစ်နေလို့ပါ၊မြန်မာစစ်ဗိုလ်ချုပ်တွေရဲ့နှစ်ပေါင်း(၅၀)အတွင်းစွမ်းဆောင်ချက်များကတော့၊ဗိုလ်ချုပ်ကြီးနေဝင်းဦးဆောင်တဲ့မြန်မာ့ဆိုရှယ်လမ်းစဉ်ပါတီအုပ်
ချုပ်ခဲ့တဲ့(၂၆)နှစ်ကာလအတွင်းမှာ၊မြန်မာနိုင်ငံကိုကမ္ဘာ့အဆင်းရဲဆုံးစါရင်းဝင်နိုင်ငံဖြစ်အောင်ဖန်တီးနိုင်ခဲ့ပါတယ်၊ဗိုလ်ချုပ်မှူးကြီးသန်းရွှေဦးဆောင်တဲ့မြန်မာစစ်အာဏာရှင်များရဲ့(၂၄)နှစ်တာကာလအတွင်းမှာတော့၊ပြည်သူတရပ်လုံးကို
စစ်မြေပြင်မှာထိပ်တိုက်ရင်ဆိုင်ရတဲ့ရန်သူလို့သတ်မှတ်ပြီးဖြတ်လေးဖြတ်နှင့်အဆင့်(၇)ဆင့်ပါတဲ့လမ်းပြမြေပုံကိုရှက်ကြောက်ခြင်းတရားကင်းမဲ့စွာအကောင်အထည်ဖေါ်ခဲ့တဲ့အတွက်၊ရလဒ်ကတော့ဆရာကြီးဦးဝင်းတင်ပြောတဲ့စားစရာမရှိအောင်မွဲပြာကျ
နေတဲ့ပြည်သူများနှင့်ထားစရာနေရာမရှိလောက်အောင်ကြောက်ခမန်းလိလိချမ်းသာချင်တိုင်းချမ်းသာနေကြတဲ့စစ်ဗိုလ်ချုပ်များနှင့်သူတို့နှင့်ရင်းနှီးတဲ့ခေတ်ပျက်စီးပွားရေးသမားများဆိုပြီးမြန်မာနိုင်ငံမှာလူအတန်းအစား(၂)မျိုးပေါ်ပေါက်လာ
လာစေခဲ့ပါတယ်၊လမ်းပြမြေပုံအရအခုဆိုရင်၂၀၀၈ခုနာဂစ်ဖွဲ့စည်းပုံအခြေခံဥပဒေကိုမတရားရေးဆွဲအတည်ပြုပြီးပြီ၊ဒါတွင်မက၂၀၁၀ခုနှစ်မှာညစ်နည်းပေါင်းစုံစုံလင်လင်အသုံးပြုပြီးပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(ကြံ့ဖွံ့ပါတီ)ကို
အနိုင်ရအောင်စွမ်းဆောင်နိုင်ခဲ့ပါတယ်၊နောက်ဆုံးရလဒ်ကတော့သမ္မတကြီးဦးသိန်းစိန်ခေါင်းဆောင်တဲ့အရပ်သားအစိုးရဆိုတာကိုမြန်မာပြည်တွင်းသာမက၊နိုင်ငံတကာကပါမြင်တွေ့နေရပါပြီ၊မြန်မာစစ်အာဏာရှင်များအနေဖြင့်အားရကြေနပ် စရာကောင်းတဲ့အောင်မြင်မှုများပါပဲ၊

ဒါပေမဲ့မြန်မာစစ်အာဏာရှင်စစ်ဗိုလ်ချုပ်များဟာဒီလောက်နဲ့မကြေနပ်နိုင်ကြသေးပါဘူး၊နောင်နှစ်ပေါင်းများစွာသားစဉ်မြေးဆက်ဆက်ပြီးအာဏာကိုယူထားနိုင်ရန်၊၂၀၁၂ခုအတွင်းမှာလူအများလက်ခံနိုင်တဲ့စကားလုံးလှလှလေးတွေသုံး ထားတဲမြန်မာနည်းမြန်မာ့ဟန်ဖြင့်စည်းကမ်းရှိတဲ့ဒီမိုကရေစီစနစ်ကိုမြန်မာနိုင်ငံမှာအကောင်အထည်ဖေါ်ဖို့အတင့်ရဲစွာစပါတော့တယ်၊တဆက်တည်းမှာပဲသမ္မတကြီးဦးသိန်းစိန်ရဲ့မြန်မာအရပ်သားအစိုးရက၊နိုင်ငံရေးပါတီတွေထူထောင်ခွင့်ပေးခြင်း ၂၀၁၂ခုဧပြီလ(၁)ရက်နေ့တွင်ကြားဖြတ်ရွေးကောက်ပွဲကျင်းပရန်စီစဉ်ခြင်း၊ဒ်ါအောင်ဆန်းစုကြည်ကိုရွေးကောက်ပွဲမဲဆွယ်ခရီးလွတ်လွတ်လပ်လပ်ထွက်ခွင့်ပေးခြင်း၊ကိုမင်းကိုနိုင်၊ကိုကိုကြီးတို့ပါဝင်တဲ့၈၈မျိုးဆက်ကျောင်းသားခေါင်းဆောင်များနှင့် နိုင်ငံရေးအကျဉ်းသားအတော်များများကိုအကျဉ်းထောင်များမှလွှတ်ပေးခြင်းအပြင်ကြားဖြတ်ရွေးကောက်ပွဲအတွက်ပြည်ပကအကဲခတ်သူများကိုမြန်မာနိုင်ငံသို့လာရောက်ခွင့်ပေးခြင်းတို့ကိုဆက်တိုက်ဆောင်ရွက်တာကိုတွေ့ရပါတယ်၊ ဧပြီလ(၁)ရက်မှာကျင်းပတဲ့ကြားဖြတ်ရွေးကောက်ပွဲတွင်တရားမျှတမှုရှိစေရပါမည်ဟုပြည်ထောင်စုရွေးကောက်ပွဲကော်မရှင်ဥက္ကဌဦးတင်အေးကလဲသတင်းစာရှင်းလင်းပွဲတွင်ပြောကြားထားပါသေးတယ်၊ဒါ့အပြင်လတ်တလောဆောင်ရွက်နေတဲ့ဒီမိုကရေစီရေး အတွက်ဆောင်ရွက်နေတဲ့ပြုပြင်ပြောင်းလဲရေးလမ်းကြောင်းမှနောက်ကြောင်းသို့ပြန်လှည့်သွားမည်မဟုတ်ကြောင်းကိုလဲသမ္မတကြီးဦးသိန်းစိန်ကနိုင်ငံတကာသိအောင်အခွင့်သာတိုင်းပြောကြားသည်ကိုထပ်တလဲလဲကြားနေရပါတယ်၊

လူထုခေါင်းဆောင်ဒေါ်အောင်ဆန်းစုကြည်နှင့်အမျိုးသားဒီမိုကရေစီအဖွဲ့ချုပ်တိုဘက်ကလာတဲ့သတင်းများအရ၊မြန်မာနိုင်ငံမှာဒီမိုကရေစီစနစ်တည်ဆောက်ရေးအတွက်၊လောလောဆယ်တွေ့ရှိနေရတဲ့၊ပြုပြင်ပြောင်းလဲရေးလမ်းကြောင်းမှ နောက်ကြောင်းသို့ပြန်လှည့်သွားနိုင်တဲ့အခြေအနေရှိနေသေးတယ်၊ယ္ခုရက်ပိုင်းအတွင်းမှာတွေ့ရှိနေရတဲ့၊မဲစာရင်းများဆိုးရွားစွာမှားယွင်းမှုများရှိနေတယ်၊ဒေါအောင်ဆန်းစုကြည်စည်းရုံးရေးခရီးစဉ်များမှာ၊ဟောပြောမဲ့နေရာများမရရှိအောင်၊ဒေသခံ တာဝန်ရှိသူများကအောက်တန်းကျစွာဖန်တီးမှုများ၊ဒေါ်အောင်ဆန်းစုကြည်ရဲ့တနင်္သာရီစည်းရုံးရေးခရီးစဉ်အတွက်လိုအပ်တဲ့ရှပ်ပြေးရေယဉ်များငှားလို့မရအောင်၊ဒေသခံအာဏာပိုင်များကချိန်းခြောက်ထားခြင်းများရှိနေတယ်၊အမျိုးသားဒီမိုကရေစီအဖွဲ့ချုပ်ရဲ့လွှတ်တော်ကိုယ်စားလှယ်များလွတ်လပ်စွာစည်းရုံးရေးမပြုနိုင်အောင်နည်းပေါင်းစုံသုံးပြီးဟန့်တားအကြတ်ကိုင်မှုများ ရှိနေသောကြောင့်၊ဧပြီလ(၁)ရက်နေ့မှာကျင်းပမဲ့ကြားဖြတ်ရွေးကောက်ပွဲကိုတရားမျှတစွာကျင်းပနိုင်ရေးကိုထိခိုက်နိုင်ကြောင်းနှင့်သမ္မတဦးသိန်းစိန်သည်ဇမ္ဗူသီရိမြို့နယ်မဲဆန္ဒနယ်မှပြည်သူများကိုမဲဝယ်သောပုံစံဖြင့်ငွေနှင့်လိုအပ်ချက်များထောက်ပံ့ပေးပြီးမဲဆွယ်စည်းရုံးမှုလုပ် ဆောင်ကြောင်းတို့ကိုကြားသိရပါတယ်၊

လက်ရှိဦးသိန်းစိန်ရဲ့အရပ်သားအစိုးရဘက်ကလာတဲ့သတင်းတွေကိုကြည့်လိုက်ရင်နှုတ်အားဖြင့်ပြောနေတဲ့ကောင်းတဲ့အချက်တွေဖြစ်နေပေမဲ့၊မြန်မာပြည်သူလူထုအနေဖြင့်အတော့ကိုယုံရခက်နေပါတယ်၊၁၉၉၀ပြည့်ရွေးကောက်ပွဲတုံးကလဲ နိုင်တဲ့နိုင်ငံရေးပါတီကိုအာဏာလွှဲပေးပါမယ်၊တပ်မတော်သားများကတော့စစ်တန်းလျားတွေဆီကိုပြန်သွားပါ့မယ်လို့ကတိပေးခဲ့တာပါပဲ၊တကယ်လက်တွေ့ဆောင်ရွက်ခဲ့ပါသလားလို့မေးရင်အားလုံးသိကြတဲ့အတိုင်း၊ရွေးကောက်ပွဲအနိုင်ရ
ပါတီဖြစ်တဲ့အမျိုးသားဒီမိုကရေစီအဖွဲ့ချုပ်ကိုအာဏာလွှဲပြောင်းမပေးပဲအကြာင်းအမျိုးမျိုးပြပြီးညစ်နည်းမျိုးစုံသုံးပြီးအပြင်းအထန်ဖိနှိုပ်ချုပ်ချယ်ခဲ့တာလူတိုင်းသိနေပါတယ်၊အခုလတ်တလောကြားဖြတ်ရွေးကောက်ပွဲအကြိုကာလမှာလဲ၊ပြောတာရဲ့ဆန့်ကျင်ဖက် ဖြစ်တဲ့ဖျက်လိုဖျက်ဆီးလုပ်ရပ်များကိုသာတွေ့နေရပါတယ်၊ဦးသိန်းစိန်ခေါင်းဆောင်တဲ့အရပ်သားအစိုးရအနေဖြင့်အရင်တုံးကကျင့်သုံးခဲ့တဲ့ညစ်နည်းများကိုလက်ရဲဇက်ရဲဆက်သုံးအုံးမယ်ဆိုရင်တော့မြန်မာနိုင်ငံရဲ့အနာဂတ်အတွက်အလွန်စိုး
ရိမ်စရာပါပဲ၊ကြားဖြတ်ရွေးကောက်ပွဲနှင့်ပတ်သက်ပြီးကုလသမဂ္ဂရဲ့မြန်မာနိုင်ငံဆိုင်ရာအထူကိုယ်စားလှယ်သောမတ်စ်အိုဟေးကင်တားနားကလဲအခုဧပြီလ(၁)ရက်နေ့မှာကျင်းပမဲ့ကြားဖြတ်ရွေးကောက်ပွဲဟာအရင်၂၀၁၀တုံးကလိုအများလက်ခံမှုမရခဲ့တဲ့ရွေးကောက်ပွဲမျိုးထပ်မဖြစ်ဖို့လို ကြောင်းနှင့်ရွေးကောက်ပွဲကိုအများယုံကြည်မှုရှိစေချင်ရင်ရွေးကောက်ပွဲကျင်းပတဲ့နေ့တနေ့တည်းနဲ့မပြီးပဲမကျင်းပခင်ရောကျင်းပပြီးနောက်မှာပါပွင့်လင်းမျှတဖို့လိုကြောင်းသတိပေးထားပါတယ်၊

သမ္မတကြီးဦးသိန်းစိန်ရဲ့အရပ်သားအစိုးရအနေဖြင့်၊မြန်မာပြည်သူတွေစစ်မှန်တဲ့ဒီမိုကရေစီစနစ်ကိုဘယ်အတိုင်းအတာအထိမြတ်နိုးကြတယ်၊ဒီမိုကရေစီပန်းတိုင်ကိုရောက်အောင်ဘယ်လောက်ဇွဲရှိရှိနဲ့ကြိုးပမ်းတိုက်ပဲဝင်နေကြတယ်ဆိုတာကိုရှစ်လေးလုံးအရေးတော်ပုံ၊ရွှေဝါရောင်အရေးတော်ပုံနှင့်ယ္ခုကြားဖြတ်ရွေးကောက်ပွဲတို့ကိုကြည့်ရင်သိနိုင်ပါတယ်၊ တချိန်တည်းမှာပဲသမ္မတကြီးဦးသိန်းစိန်ရဲ့အရပ်သားအစိုးရအပါအဝင်မြန်မာစစ်ဗိုလ်ချုပ်များရဲ့အမေရကန်နိင်ငံအပါအဝင်၊နိုင်ငံတကာရဲ့အသိအမှတ်ပြုမှုရရှိရေးအတွက်အစွမ်းကုန်ကျိုးပမ်းနေခြင်းကိုလဲမြန်မာပြည်သူတွေကောင်းစွာသဘောပေါက်သလို၊၂၀၀၈ခုဖွဲးစည်းပုံအခြေခံဥပဒေကိုအခြေခံထားတဲ့လက်ရှိအရပ်သားအစိုးရဖွဲ့ကိုအောင်မြင်စွာဖွဲ့စည်းပြီးနောက်ပိုင်းမှာတမဟုတ် ခြင်းဆိုသလို၊ဒေါ်အောင်ဆန်းစုကြည်နှင့်အမျိုးသားဒီမိုကရေစီအဖွဲ့ချုပ်တို့အပေါ်အရင့်အရင်တုံးကနှင့်ဖြောင့်ဖြောင့်ကြီးဆန့်ကျင်တဲ့ပျော့ပြောင်းတဲ့ဆက်ဆန်ရေး၊ယဉ်ကျေးသိမ်မွေ့တဲ့အပြောအဆိုများအသုံးပြုလာတယ်ဆိုတာကိုလဲသိကြပါတယ်၊အတိုချုပ်အနေဖြင့်ပြောရမည်ဆိုပါက၊နိုင်ငံတကာအခြေအနေပြောင်းလဲလာသလိုမြန်မာပြည်သူတွေရဲ့နိုင်ငံရေးအတွေ့အကြုံသိသိသာ သာပြောင်းလဲရင့်ာကြက်လာပြီဖြစ်သောကြောင့်၁၉၈၈၊၁၉၉၀၊၂၀၀၈နှင့်၂၀၁၀ခုနှစ်များကမြန်မာပြည်သူတွေအပေါ်မြန်မာစစ်ဏာရှင်များကျင့်သုံးခဲ့တဲ့မရိုးသားတဲ့ညစ်နည်းများယ္ခုအချိန်တွင်အသုံးပြုရန်ထပ်မံကြိုးစားပါကလုံးဝမှားယွင်းပြီးအောင်မြင်မှုရမည်မဟုတ်ကြောင်းသမ္မတကြီးဦးသိန်းစိန်ရဲ့ကြားဖြတ်အစိုးရနှင့်မြန်မာစစ်ဗိုလ်ချုပ်များကိုအသိပေးလိုပါတယ်၊
သမ္မတကြီးဦးသိန်းစိန်ရဲ့ကြားဖြတ်အစိုးရအနေဖြင့်၊မိမိတို့ကိုယ်တိုင်ပြည်တွင်းရောနိင်ငံတကာကိုပါသိအောင်ကြေညာထားတဲ့ကတိအတိုင်းဒီမိုကရေစီလမ်းကြောင်းကိုနောက်ပြန်မလှည်ပဲ၊မြန်မာပြည်သူတရပ်လုံးနှင့်အတူပူးပေါင်းပြီး၊နိုင်ငံတကာအလယ်မှာဂုဏ်ယူရတဲ့ မြန်မာအရပ်သားအစိုးရနှင်ပြည်သူတွေအားကိုးချစ်ခင်ရတဲ့မြန်မာတပ်မတော်အဖြစ်အခုကြားဖြတ်ရွေးကောက်ပွဲကိုနမူနာ အဖြစ်အကောင်အထည်ဖေါ်ဆောင်ရွက်ပေးရန်တိုင်တွန်းလိုပါတယ်၊

မြန်မာပြည်သူအားလုံးယ္ခုဧပြိလ(၁)ရက်နေ့တွင်ကျင်းပတဲ့ကြားဖြတ်ရွေးကောက်ပွဲမှသည်စစ်မှန်သောဒီမိုကရေစီပန်းတိုင်သို့ဆုံးဖြတ်ချက်မှန်၊လုပ်ရပ်မှန်တို့ကိုကိုင်စွဲပြီးအောင်မြင်စွာချီတက်နိုင်ပါစေလို့ဆန္ဒပြုလျှက်…..

မင်းကြီ(ဂျာမဏီ)
၂၀၁၂ခု၊မတ်လ(၃၁)ရက်
 

B.C.N. Statement on Current CFOB Crisis

Peaceful Demonstration for Peace in Burma ( Rakhine )

Burmese Canadian Protest in Toronto

Text

NLD by Elections Manifesto p1