Signatures for President U Thein Sein

မြန်မာနှစ်ဆန်း ၁ ရက်နေ့ ဧပြီလ ၁၇ ရက်မှစတင်သော စုပေါင်းလက်မှတ်ထိုး တောင်းဆိုမှုများကို ယနေ့တွင် သမ္မတ ဦးသိန်းစိန် ထံ သို့ စတင်ပို့ဆောင်လိုက်ပြီ ဖြစ်ကြောင်း ဦးဆောင်သူများက ပြောသည်။

ယင်းတောင်းဆိုလှုပ်ရှားမှုအား အမျိုးသား ဒီမိုကရေစီအဖွဲ့ချုပ်(NLD) အပါအ၀င် မြန်မာပြည်တွင်းရှိ ဒီမိုကရေစီရေးဆောင်ရွက်သူများက ဦးဆောင်ခြင်းဖြစ်ပြီး နိုင်ငံရေးအကျဉ်းသား လွတ်မြောက်ရေး၊ ပြည်တွင်းစစ် ရပ်စဲရေး၊ ပြည်ပရောက် မြန်မာနိုင်ငံသားများ အေးချမ်းစွာ ပြန်လာနိုင်ရေး စသည့်အချက်များ ပါဝင်သည်။

“ကျနော်တို့ အခုပထမအဆင့်မှာ ဒေါ်အောင်ဆန်းစုကြည်အပါအ၀င် နိုင်ငံရေးခေါင်းဆောင်တွေ၊ ဆရာ ဒဂုန်တာရာ၊ လူထု ဦးစိန်ဝင်း၊ ဦးမိုးသူတို့ စတဲ့ စာပေနဲ့စာနယ်ဇင်းသမားတွေ၊ ဦးအေးသာအောင်၊ ဦးနိုင်ငွေသိန်း၊ ဦးကျင့်ရှင်းထန် စတဲ့ တိုင်း ရင်းသားခေါင်းဆောင်တွေရဲ့ လက်မှတ်တွေကို ပြီးခဲ့တဲ့ သောကြာနေ့ နေ့လယ်၂ နာရီ မှာ စတင်ပြီး သမ္မတ ဦးသိန်းစိန် ဆီကို တင်ပြဖို့စီစဉ်ထားခဲ့တာ။ ဒါပေမယ့် လက်မှတ်တွေက အခုထိဆက်တိုက်ထိုးနေသေးတော့ ဒီနေ့မှ စတင်ဖြစ်တော့ မယ်”ဟု ဦးဆောင်လှုပ်ရှားသူတဦး ဖြစ်သည့် နိုင်ငံရေးအကျဉ်းသားဟောင်း ကိုဖြိုးမင်းသိန်းက ဧရာဝတီကိုပြောသည်။

အဆိုပါ လှုပ်ရှားမှု၌ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပထမဆုံး လက်မှတ်ထိုး တောင်းဆိုထားပြီး NLD အဖွဲ့ဝင်များ၊ တိုင်းရင်းသားခေါင်းဆောင်များ၊ ၀ါရင့်နိုင်ငံရေးသမားကြီးများ၊ နိုင်ငံရေးတက်ကြွလှုပ်ရှားသူများ၊ ကျောင်း သားများ အပါအ၀င် လူထုလူတန်းစား အစုံမှ ပါဝင်လက်မှတ်ထိုးကြောင်း သိရသည်။

“ကျနော်တို့ ဆက်တိုက်လဲ လက်မှတ်တွေ ကောက်ခံနေပါတယ်။ အပတ်စဉ် သောကြာနေ့တိုင်း လူထု တရပ်လုံး ပါဝင် လက်မှတ်ထိုးတာတွေကို ဆက်တိုက်တင်ပြသွားမှာဖြစ်ပါတယ်”ဟု ကိုဖြိုးမင်းသိန်းက ဆိုသည်။

မြန်မာနိုင်ငံ၏ အမျိုးသားပြန်လည်သင့်မြတ်ရေးနှင့် ပြည်တွင်းငြိမ်းချမ်းသာယာရေးကို ရှေးရှုသည့် လုပ်ဆောင်ချက်များ အကောင်အထည်ဖော်ရန် မေတ္တာရပ်ခံသည့် ယခုလှုပ်ရှားမှုတွင် ဒီမိုကရေစီနှင့်ငြိမ်းချမ်းရေး လိုလားသူများက ပါဝင် လက် မှတ် ထိုးခြင်းဖြစ်ကြောင်း သိရသည်။

“စုဆောင်းရရှိထားတဲ့ လက်မှတ် ၅၀၀ ၀န်းကျင်ကို ပထမ အဆင့်တင်မယ်။ နယ်တွေမှာရှိနေတဲ့ လက်မှတ်တွေရော ဆိုရင် တော့ ၁၀၀၀ ကျော် ရှိမယ်။ တိုင်း နှင့် ပြည်နယ် အားလုံးမှာ ပိုပြီးကျယ်ကျယ်ပြန့်ပြန့် ကျနော်တို့ လုပ်ဆောင်သွားမှာပါ”ဟု ကိုဖြိုးမင်းသိန်း က ဆက်လက်ပြောဆိုသည်။

မြန်မာနိုင်ငံ၏ အဓိကလက်ငင်း လိုအပ်ချက်များကို လူငယ်များကဦးဆောင်ပြီး လက်မှတ်ထိုးတောင်းဆိုကြသည်မှာ ပြည် သူ့ အသံကို ငြိမ်းချမ်းစွာဖော်ဆောင်ခြင်း ဖြစ်ကြောင်း NLD ဗဟို ဦးဆောင် ကော်မတီဝင်တဦးဖြစ်သူ ဦးဝင်းတင်ကလည်း ပြောသည်။

ဦးဝင်းတင်သည် နိုင်ငံရေးအကျဉ်းသားဟောင်းတဦးဖြစ်ပြီး အကျဉ်းထောင်တွင်း နှစ်ပေါင်း၂၀ နီးပါး နေထိုင်ခဲ့ရသူလည်း ဖြစ်သည်။

ကျိုင်းတုံအကျဉ်းထောင်တွင် ထောင်ဒဏ် ၆၅ နှစ် နှင့် ၆ လ ကျခံနေရသော ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင် ၏ အစ်မဖြစ်သူ မကြည်ကြည်ညွန့် က“အခုလို နိုင်ငံရေးအကျဉ်းသားတွေကိုလွှတ်ပေးဖို့ စုပေါင်းတောင်းဆို လက်မှတ်ထိုးကြတာဟာ ကျမတို့လိုနိုင်ငံရေးအကျဉ်း သား မိသားစုဝင်တွေ အတွက် မျှော်လင့်ချက် တခုတော့ ဖြစ်ကောင်းဖြစ်နိုင်တယ်။ ဒါပေမယ့် လူကိုယ်တိုင် ရောက်လာမှပဲ လွတ်လာတယ်လို့ မှတ်ရမှာပါပဲ”ဟု ပြောသည်။

စုပေါင်း လက်မှတ်ထုိုးတောင်းဆိုချက်များပါ နိုင်ငံရေးအကျဉ်းသားလွတ်မြောက်ရေးသည် အမျိုးသားပြန်လည်သင့်မြတ် ရေး၊ တွေ့ဆုံဆွေးနွေး အဖြေရှာရေးတို့အတွက် အခြေခံကျသော လုပ်ဆောင်ပေးရမည့်အချက်လည်းဖြစ်သည်ဟု နိုင်ငံရေး လှုပ်ရှားသူများက ဆိုသည်။

“အခု နိုင်ငံတကာရောက်နေတဲ့ မြန်မာနိုင်ငံသားတွေကလည်း ပူးပေါင်းပါဝင်လက်မှတ်ရေးထိုးကြတယ်။ သူတို့ကလည်း သက်ဆိုင်ရာနိုင်ငံမှာရှိတဲ့ မြန်မာသံရုံးတွေက တဆင့် ပို့တာတို့၊ နောက် အွန်လိုင်းကနေ ပို့ပေးတာဆိုရင်တော့ ကျနော်တို့ကူးယူပြီး ဆက်တင်သွားမှာဖြစ်တယ်”ဟု ကိုဖြိုးမင်းသိန်းက ပြောဆိုသည်။

အဆိုပါလက်မှတ်ထိုးတောင်ဆိုမှုကို နိုင်ငံတကာရောက် မြန်မာနိုင်ငံသားများ ပိုမိုကျယ်ပြန့်စွာလုပ်ဆောင်နိုင်ရေး အတွက် NLD သတင်းနှင့်ပြန်ကြားရေးဌာနမှလည်း ဆော်သြထားသည်။

“ကျနော်တို့ကလည်း ဒါဟာ လုပ်သင့်လုပ်ထိုက်တဲ့ အလုပ်ဖြစ်လို့ ပူးပေါင်းပါဝင် လက်မှတ်ရေးထိုးပြီး ပိုမိုကျယ်ပြန့်အောင် ကူညီဆောင်ရွက်သွားမယ်”ဟု စင်္ကာပူရောက် မြန်မာနိုင်ငံသားတဦးက ပြောသည်။

Read more »

‘၀ါဒဖြန်ချီ့ခြင်း

ယနေ့ ‘၀ါဒဖြန့်ခြင်း’ ဆိုတဲ့စကားလုံးကို မုသာဝါဒ လိမ်ညာမှုတွေ ဖြန့်ဖြူးလိုတဲ့ အခါမှာ မကြာခဏ အသုံးပြုတတ်ကြ ပါတယ်။ သို့သော် အဲဒီ ၀ါဒဖြန့်ခြင်း (propaganda) ဝေါဟာရကို အမှန်တရား ပြန့်နှံ့စေဖို့

ရည်ရွယ်ချက်နဲ့ ရောမကက်သလစ်ကျောင်းတော်က ဟိုးနှစ်ပေါင်းများစွာက စပြီး အသုံးပြုခဲ့တာ ဖြစ်ပါတယ်။

ပညာရပ်ဝေါဟာရအရဆိုရရင် ၀ါဒဖြန့်ခြင်းဆိုတာ လူထုရဲ့ အတွေးအမြင်စိတ်ကူး ရှုထောင့်တွေ ပြောင်းလဲပစ်ဖို့ ရည်ရွယ်ချက် နဲ့ ရေးထား၊ ပြောထား၊ ဓါတ်ပုံရိုက်ထား၊ ဗွီဒီယိုမှတ်တမ်းတင်ထားတဲ့ အရာရာကို ဖြန့်ဝေ ထုတ်လုပ်ခြင်းပဲ ဖြစ်ပါတယ်။ ၀ါဒဖြန့်လုပ်ငန်းကို စစ်ပွဲတွေနဲ့  စစ်ပွဲလို အခြေအနေတွေမှာ လက်နက်ကရိယာသဖွယ် အသုံးပြုကြပါတယ်။ တစ်နည်းဆိုရရင် ‘စိတ်ပိုင်းဆိုင်ရာ စစ်ပွဲ’ (the war of the mind)၊ စိတ်ဓာတ်စစ်ဆင်ရေး(psychological warfare)တို့ရဲ့ လုပ်ငန်း အစိတ် အပိုင်းပါပဲ။

ဝါဒဖြန့် ပုံစံနှစ်မျိုး

ဝါဒဖြန့်ခြင်း ပုံစံနှစ်မျိုးရှိပါတယ်။ တစ်ခုက အဖြူရောင် ၀ါဒဖြန့်ခြင်း နဲ့ နောက်တစ်ခုက အမည်းရောင် ၀ါဒဖြန့်ခြင်း ဖြစ်ပါတယ်။

အဖြူရောင်ဝါဒဖြန့်ခြင်းမှာ သီးသန့် အမြင်သဘောထားတွေကို ဖော်ပြထားတဲ့ အချက်အလက်တွေ ပါဝင်ပါတယ်။  သတင်း အင်ဖော်မေးရှင်း ပို့ပေးဖို့နဲ့ ဩဇာလွှမ်းဖို့ နှစ်ခုစလုံးကို ရည်ရွယ်ပါတယ်။ အခြေအနေ အချိန်အခါပေါ်မူတည်ပြီး မိမိ ပစ်မှတ်ထားတဲ့ လူထုရဲ့ နိုင်ငံရေးအမြင်ကို ဩဇာလွှမ်းထား နိုင်ဖို့ ဖြစ်တယ်။ ရန်သူနဲ့ ရင်ဆိုင်ရတဲ့အခါ အဲဒီ့လူထုရဲ့ စိတ်ဓာတ် မြှင့်တင်ပေးဖို့ ဖြစ်တယ်။

အဖြူရောင်ဝါဒဖြန့်ခြင်းက အမှန်တရားကို ဖော်ပြပါတယ်၊ သို့သော် ပေးပို့လိုတဲ့ မက်ဆေခ်ျ့တွေနဲ့ ၄င်းနဲ့ ဆက်စပ်တဲ့ အချက်အလက်ပေါ်မှာ အာရုံစိုက် လုပ်ဆောင်ထားပါတယ်။ အဖြူရောင် ၀ါဒဖြန့်ခြင်းရဲ့ ရည်မှန်းချက်က အာဏာရှင်လို အစိုးရတွေကို ဆန့်ကျင်ကြတဲ့အခါ အနုနည်းနဲ့ဖြစ်စေ အကြမ်းနည်းနဲ့ဖြစ်စေ ခုခံလုပ်ဆောင်ရတိုင်း လူထုရဲ့ အမြင် သဘော ထား ခံယူချက် အရာရာမှာ အားအင်တွေ ခွန်အားတွေ ရှိလာပြီး ကြံ့ကြံ့ခံ ပြောင်းလဲစေဖို့ ဖြစ်ပါတယ်။

အမည်းရောင်ဝါဒဖြန့်ခြင်းကတော့ အထူးသဖြင့် မမှန်မကန် သတင်း လုပ်ကြံဖန်တီးဖို့ပါ။ အဓိက ဦးတည်တဲ့ ပစ်မှတ်က ရန်သူကိုပါ။ လုပ်ငန်းစဉ်သဘောက လှည့်စား ဖြားယောင်း သွေးဆောင်ခြင်း ပါပဲ။ ယေဘူယျ ရည်ရွယ်ချက်က ရန်သူရဲ့ ဦးတည်ချက်ေ၀၀ါးသွားစေဖို့၊ လမ်းပျောက်သွားစေဖို့၊ စိတ်ဓာတ်ပျက်ပြား ကွဲပြဲသွားစေဖို့။ ဥပမာ ခေါင်းဆောင်မှုအပေါ် ယုံကြည်မှု လျော့ကျစေပြီး၊ သူတို့ မဟာမိတ်အုပ်စု ပါတနာတွေအကြား ဆက်ဆံရေးတင်းမာ ပြိုကွဲစေဖို့ ဖြစ်ပါတယ်။

ဒီလို အမည်းရောင်ဝါဒဖြန့်မှုကို အကောင်အထည်ဖော်ရာ မှာ  နှစ်ဘက်ချွန်သူလျှိုတွေ (double agents)နဲ့ ဆောင်ရွက် မှုက ပိုခရီးရောက် ပါတယ်။ ဥပမာ ဒီမိုကရက်တစ် လှုပ်ရှားမှုမှာ စိတ်ဓာတ် ခိုင်မာထန်သန်မှု ရှိသလို၊ တစ်ဘက်က အာဏာရှင်ရဲ့ လုပ်ငန်းအတွင်း ၀င်ရောက် မွှေနှောက် တွင်ကျယ်ထားနိုင်သူ ဖြစ်ရမယ်။ ဖြစ်နိုင်ရင် ကြံဖွတ်အစိုးရ စီမံချက်လို ဟာတွေထဲမှာ လျှို့ဝှက် လုပ်ကိုင်နေရ ပါမယ်။

ဗြိတိသျှ တန်ပြန်ထောက်လှမ်းရေး အဆင့်မြင့်အရာရှိ ကင်ဖီလ်ဘီ (Kim Philby) ဆိုသူဟာ ဆိုဗီယက်အတွက် သူလျှို လုပ်ဆောင်ပေးခဲ့သူ ဖြစ်ပါတယ်။ အလွန် အရေးကြီးတဲ့ လျှို့ဝှက်သတင်းတွေကို ဆိုဗီယက်ကို ပို့ပေးရင်း၊ ဒုတိယကမ္ဘာစစ်အတွင်း ဗြိတိသျှနဲ့ အမေရိကန်တို့ အကြား ဆက်ဆံရေးတွေ အများကြီးပျက်အောင် နှောင့်ယှက်ခဲ့ရာမှာ နာမည်ကြီးပါတယ်။

အမျိုးသားရေး လူမျိုးရေး ဘာသာရေး အကွဲအပြဲတွေ ရှိတဲ့နေရာမှာ၊ ကျွမ်းကျင်တဲ့ အေးဂျင့်က မတူတဲ့ အုပ်စုတွေ အကြား စိတ်ဝမ်းကွဲမှု မျိုးစုံပေါ်အောင် လုပ်ဆောင်ဖို့ လွယ်ကူပါတယ်။

အမည်းရောင်ဝါဒဖြန့်မှုက သူတို့ထောက်လှမ်းရေးအဖွဲ့များကတဆင့် ရန်သူပေါ်လစီမိတ်ကာများကို ပစ်မှတ် ထားတတ်ပါတယ်။ ရန်သူ ဆုံးဖြတ်ချက်အမှားတွေဖြစ်သွားစေဖို့ ရည်ရွယ်ပါတယ် (ရန်သူ့ အတွက် အမှားဟာ၊ ကိုယ့်အတွက် အမှန် ဖြစ်ပါတယ်)။

ဒုတိယကမ္ဘာစစ်အတွင်းမှာ အကြီးအကျယ် လိမ်လည်နည်း ပညာမျိုးစုံ သုံးခဲ့ကြပါတယ်။ စစ်တပ်အတု လက်နက်အတုတွေ ဖန်တီးခြင်း၊  ဖမ်းဆီးမိတဲ့ စပိုင်တွေထံက အချက်အလက်တွေနဲ့ သတင်းမှားတွေ ပြန်လုပ်ခြင်း၊ စပိုင်တွေ ပြန်လွှတ်ခြင်းတို့ ပါဝင်ပါတယ်။

သို့သော် အမည်းရောင်ဝါဒဖြန့်မှုမှာ ရန်သူစိတ်ဝင်စားလောက်တဲ့ အသုံးပြုနိုင်ကောင်းတဲ့ မှန်ကန်တဲ့ အချက်အချို့ ထည့်ပေးရပါမယ်။ ဒီလိုမလုပ်ရင် ရန်သူက အာရုံစိုက်မှာ မဟုတ်ပါဘူး။ အမှန်တရား အချို့ ထည့်ပေးပြီး ရည်ရွယ်ချက်ရှိရှိ ရက်ဖောက်ထားတဲ့ မှားယွင်းတဲ့ အချက်တွေနဲ့သာ ရန်သူကို အယုံသွင်း လှည့်စားနိုင်မှာ ဖြစ်ပါတယ်။

ရန်သူ့အတွက် အသုံးဝင်မယ့် အချက်အလက် ဘယ်လောက်များများ ချပေးမယ်၊ အဲဒီ့အောင်မြင်တဲ့ လှည့်စားမှုကနေ ဘယ်လောက် အကျိုးအမြတ်ပြန်ယူမယ် ဆိုတဲ့ နှစ်ခုကြား တွက်ချက်ခန့်မှန်းနိုင်ဖို့ အရေးကြီးပါတယ်။ ဒါဟာ အောင်မြင်တဲ့ ၀ါဒဖြန့်ချီရေးသမားရဲ့ ပါးနပ်ကျင်လည်မှုအပေါ် မူတည်ပါတယ်။

အမည်းရောင် ၀ါဒဖြန့်မှုကို အာဏာရှင်တွေ အသုံးပြု

အာဏာရှင်စနစ်တွေ သုံးတာကတော့ အမည်းရောင်ဝါဒဖြန့်မှု ဖြစ်ပါတယ်။ အာဏာရှင်တွေက သူ့ပြည်သူလူထုကို မကြေငြာတဲ့စစ် အမြဲ ဆင်နွှဲတတ် ပါတယ်။ ရည်ရွယ် ချက်က အတိုက်အခံနဲ့ ပြည်သူကို လှည့်စား လိမ်ညာဖို့ ဖြစ်ပါတယ်။ ဥပမာ၊ ဗိုလ်ချုပ်သန်းရွှေဟာ စိတ်ဓာတ်စစ်ဆင်ရေး (Psychological warfare) ကျွမ်းကျင်သူ၊ ၀ါဒဖြန့်မှုဘာသာရပ်နဲ့ မစိမ်းလှသူဖြစ်တယ်။ သူ့စရိုက်ကိုကြည့်ရင် မလိုအပ်သမျှ နှုတ်ဆိတ်နေပြီး၊ ဘယ်သူမှ မထင်မှတ်တဲ့ အချိန်မှာ အတိုက်အခံ၊ လူထုနဲ့ သူ့လူတွေအပေါ် ခြုံခိုတိုက်ခိုက် အနိုင်ယူတတ်သူ ဖြစ်တယ်။

စစ်အစိုးရအတွက် အရေးကြီးဆုံး လက်ကိုင်အဖွဲ့ကတော့ တပ်မတော်ဆိုတာနဲ့ စစ်အရာရှိတွေပါပဲ။ ပညာအခံအားနည်းတဲ့ အရာရှိများနဲ့ စစ်သားတွေကို တပ်မတော်ရဲ့ သမိုင်း၊ ဖက်ဆစ်တော်လှန်ရေး၊ လွတ်လပ်ရေး ကြိုးပမ်းမှု စတဲ့ ပုံကြီးချဲ့ဝါဒဖြန့်မှုတွေ အကြိမ်ကြိမ်အထပ်ထပ် ရိုက်သွင်းထားပါတယ်။

ဒါကြောင့် ရန်သူအသုံးချတဲ့ နည်းလမ်းတွေကို အသေချာလေ့လာဖို့နဲ့ ထိထိရောက်ရောက် ပြန်လည် တုန့်ပြန်ဖို့ လိုပါမယ်။  တန်ပြန်ဝါဒဖြန့်ချီရေး လျှို့ဝှက်နည်းလမ်းတွေ ဖော်ဆောင်ဖို့ လိုပါမယ်။  တပ်မတော် တပ်ရင်းအရာရှိတွေအပါအ၀င် အုပ်စု အမျိုးမျိုးကို ပစ်မှတ်ထားပြီး ဩဇာ လွှမ်းမိုးထားနိုင်ဖို့ မြန်မာ့ဒီမိုကရေစီရေး လှုပ်ရှားသူများအနေဖြင့် ၀ါဒဖြန့်ချိမှု အတတ် ပညာကို စမတ်ကျ ချွန်ှမျှနေအောင် သွေးထားကြရ ပါမယ်။ တစ်ပွဲထိုး လူကြားကောင်းအောင် ဟစ်တဲ့ပုံစံ၊ ဆယ်လစ်ဘရယ်တီ ပုံစံတွေနဲ့တော့ စစ်အာဏာရှင် ယန္တရားကို ဖြိုဖို့ ရာစုချီသွားပါလိမ့်မယ်။

ဝါဒဖြန့်မှုထိရောက်ဖို့ ရုပ်ပုံများ အသုံးပြု

သတင်းဝါဒဖြန့်ချီရေးအတွက် ရုပ်ပုံတွေဟာ အလွန်အရေးကြီးပါတယ်။ ရုပ်ပုံတွေဆိုရာမှာ ပိုစတာ၊ ပို့စကဒ်၊ ရုပ်ရှင် စတာတွေ ပါပါမယ်။ ‘ရုပ်ပုံအထောက်အကူမပါတဲ့ တော်လှန်ရေးလုပ်ငန်းဟာ လူထုကို အဓိပ္ပါယ်ကောက် လွဲစေရုံမကဘူး၊ တော်လှန်ရေး ကျရှုံးစေမယ့် အရေးကိစ္စဖြစ်နေတယ်’ လို့တောင် ၀ါဒဖြန့်ချီရေး ဆရာများက ပြောစမှတ် ပြုကြပါတယ်။ ခေတ်အဆက်ဆက် အစိုးရများ အထူးသဖြင့် အာဏာရှင်များဟာ ၀ါဒဖြန့်ချီရေးအတွက် ရုပ်ပုံများ၊ ပိုစတာများကို အသုံးပြုခဲ့ကြပါတယ် (၀ါဒဖြန့် ရုပ်ပုံများကို ကြည့်ပါ)။ ကနေ့အချိန်မှာ ယူကျူ့ ဗွီဒီယိုလို၊ DVD လို နည်းပညာ အကူပစ္စည်းတွေသုံးပြီး စည်းရုံးသိမ်းသွင်းရတာ အလွန်မှ လွယ်ကူပါတယ်။

ဝါဒဖြန့်ချီရေးကို လုပ်ဆောင်ရာမှာ နည်းလမ်းပေါင်းစုံ ရှိနိုင်ပါတယ်။

အားပေးတိုက်တွန်းခြင်း(encouragement)

အလှုဒါနပြုခြင်း (donation)

လူသစ်၊ အဖွဲ့ဝင်သစ်စုဆောင်းခြင်း (recruitment)

လုံခြုံရေး (security)

စုဖွဲ့မှု (unity)

အထင်သေးစက်ဆုပ်စေခြင်း(contempt)

လက်စားခြေခြင်း(revenge)

ဝါဒဖြန့်ချီရေးသမားအတွက် အဓိက အချက်များ

၁။ ၀ါဒဖြန့်မှုတွင် ဆိုလိုချင်သော အဓိပ္ပါယ်ကို တိကျ ရှင်းလင်းမှု လုံးဝရှိရပါမယ်။ ပေးပို့လိုက်တဲ့ မက်ဆေခ်ျ့မှာ လူထုနားထဲ မျက်စိထဲ ထင်းကနဲ ကွင်းကနဲ ဖြစ်သွားစေရပါမယ်။ ဘူးလုံးနားမထွင်း ဝေါဟာရများကို ၀ါဒဖြန့်ချိရေးမှာ လုံးဝ လုံးဝမသုံးသင့်ပါ။

၂။ ရှည်ရှည်လျားလျား စာပိုဒ်ကြီးတွေထက် ရုပ်ပုံပါတဲ့ စာရွက် ကြော်ငြာ ဗွီဒီယို စတာတွေကို ပိုသုံးသင့်ပါတယ်။ သို့သော် ၀ါဒဖြန့် စာပေကလည်း သူ့နေရာနှင့်သူ သီးသန့် ၀ါဒဖြန့်ချိရေးအတွက် အရေးကြီးပါတယ်။

၃။ အယူအဆ ယုံကြည်တိုက်တွန်းမှုတွေ ဖြန့်ချင်တဲ့အခါ အရေးစကားထက် အပြောစကားက ပိုမြန်မြန် ခရီးရောက်ပါတယ်။

၎။ နားနှင့်ကြားဖူးထားတဲ့ စကားကို ရေးသားထားတဲ့ စာလုံးက ထပ်မံအားဖြည့်ပေးပါတယ်။ ရေးထားတဲ့စာကို အထပ်ထပ် ဖတ်လို့ ရနိုင်တာကြောင့် အခြားလူဆီ ထပ်မံဖြန့်ဖြူးပေးနိုင်ကြပါတယ်။

၅။ အော်ဒီယို တိတ်ခွေနဲ့ စီဒီများကြောင့် အပြောစကားက ယနေ့အခါ ပိုမြန်မြန် ပျံ့နှံ့လွယ်ပြီး အကြိမ်ကြိမ် နားထောင် လွယ်ပါတယ်။ လက်လှမ်းမှီနိုင်ပြီး တိုက်တွန်းရလွယ်ပါတယ်။ ပစ်မှတ်ထားရမယ့် ပရိတ်သတ်ကတော့ ကူးယူနားထောင် ပြီးရင် ပြန်ဖြန့်ဖြူးလိုသူများ ဖြစ်ရပါမယ်။

၆။ စီဒီ၊ ဒီဗွီဒီများတွင်ပါသည့် ရွှေ့လျားရုပ်ပုံတွေက လူထုကို အမြဲဩဇာလွှမ်းမိုးထားနိုင်ပါတယ်။

၇။ ဆိုလိုချင်တဲ့ အာဘော်တစ်ရပ်ကို ပုံစံအမျိုးမျိုးပြောင်းပြီး အထပ်ထပ် စွဲဆောင် ဖြားယောင်းဖို့ လိုအပ်ပါတယ်။

ဝါဒဖြန့်ချီရေးသမားနှင့် ဂျာနယ်လစ်

ဝါဒဖြန့်ချီရေးသမားတစ်ယောက်ရဲ့ အလုပ်နဲ့ ရိုးရိုးဂျာနယ်လစ် တစ်ယောက်ရဲ့ အလုပ်ကို ခွဲခြားသိဖို့ လိုပါမယ်။ ၀ါဒဖြန့်ချီရေးသမားက အပြောင်းအလဲ ဖြစ်စေဖို့ ဦးတည်ပြီး လုပ်ရတာ ဖြစ်ပါတယ်။ ဂျာနယ်လစ်ကတော့ အပြောင်းအလဲ ဖြစ်ပေါ်လိုစိတ် ရှိလင့်ကစား ဈေးကွက်ရဲ့ အစိတ်အပိုင်း တစ်ခု ဖြစ်ပါတယ်။ ဂျာနယ်လစ် တစ်ယောက်က အယ်ဒီတာကြိုက်ဖို့ စာဖတ်သူကြိုက်ဖို့ အရင် လုပ်ရပါတယ်။

ဝါဒဖြန့်ချီရေးသမားကတော့ အကြိုက်လိုက်ဖို့ထက် အပြောင်းအလဲအတွက် ကိုယ် ပြောချင်တဲ့ မက်ဆေခ်ျ့ ပါးပါးနပ်နပ်ထည့်ဖို့၊ စည်းရုံးယူဖို့ပဲ ဖြစ်ပါတယ်။ ၀ါဒဖြန့်သမားဟာ စာရေးသူ၊ လက်ကမ်း စာစောင်ဝေသူ၊ အနုပညာဇရှိသူ၊ ဓါတ်ပုံရိုက်သူ၊ ရုပ်ရှင်ဗွီဒီယို ထုတ်လုပ်တတ်သူ စတာတွေ ဖြစ်နေဖို့ လိုပါမယ်။

ဝါဒဖြန့်မယ့်သူ (ယောင်္ကျား၊ မိန်းမ) ဟာ ကိုယ်ပစ်မှတ်ထားတဲ့ လူထုရဲ့ အခြေအနေအရပ်ရပ် ပြောင်းလဲပစ်ဖို့ လူတွေကို စည်းရုံးဩဇာလွှမ်းမိုးဖို့ ကြိုးစားတဲ့ ဗျာဒိတ်ကျထားသလို ‘နှစ်မြှုပ်အလုပ်လုပ်မယ့် ဂျာနယ်လစ်ကောင်း တစ်ယောက်' (a committed journalist) ဖြစ်ဖို့ လိုအပ်ပါမယ်။ သာမန် သတင်းလိုက် သတင်းညှစ် သတင်းသုံးသတ်သူ အဆင့်ထက် ပိုရပါမယ်။ ဒီလို လူမျိုးတွေဟာ ဂျာနယ်လစ် တစ်ပိုင်း နိုင်ငံရေး လျှို့ဝှက် စီမံချက် လှုပ်ရှားသူ တစ်ပိုင်း ဖြစ်တတ်ကြပါတယ်။

အနောက်မှ ဂျာနယ်လစ်ဇင်

အနောက်နိုင်ငံများမှာတော့ ဂျာနယ်လစ်ဆိုတာ ဘက်မလိုက်တဲ့ စောင့်ကြည့်အကဲခတ်သူ( an impartial journalist) ဖြစ်ဖို့ ဆော်ဩကြပါတယ်။ ဘက်မလိုက်တဲ့ ဂျာနယ်လစ်ဆိုတာ ထောင့်ပေါင်းစုံက အမြင်တွေကို မှတ်တမ်းယူဖို့ ကြိုးစားပြီး၊ သူ့နည်းသူ့ဟန်နဲ့ စာဖတ်သူကို တင်ပြတဲ့ သတင်း သမားမျိုးသာ ဖြစ်ပါတယ်။

ဝါဒဖြန့်သမားကတာ့ လူတွေ တစ်စုံတရာ မလုပ်ဖြစ်လုပ်ဖြစ်အောင် မီးထိုးလှုံဆော်ပေးဖို့၊ အစိုးရယန္တရား မပြောင်း ပြောင်း အောင် လူတွေကို ဆော်ဩနေဖို့ တာဝန်ယူထားသူ ဖြစ်ပါတယ်။

အနောက်မီဒီယာတွေဆိုတာ သူတစ်ပါးလိင်ကိစ္စ တိတ်တခိုးချောင်းကြည့်ဖို့ နှစ်ခြိုက်သူ ပရိတ်သတ်အတွက် ဖျော်ဖြေပေးတဲ့ လုပ်ဆောင်ပုံနဲ့ ခပ်ဆင်ဆင်လို့ ဆိုကြပါတယ်။ အခြားသူ ချောက်ကျ ဒုက္ခရောက်မှ  အားရချင်သူများအတွက် စောင့်ကြည့် တင်ပြပေးမှုမျိုး ဖြစ်တယ်။ သတင်းသားကောင် အဖြစ်ခံရသူအဖို့ အကာအကွယ်မဲ့ အကူအညီမဲ့ အခြေအနေဆိုက်မှ၊ သတင်း နားထောင်သူ နေသာထိုင်သာရှိပြီး အာသာပြေသွားမယ်။

လူထုအတွက် ရှင်းလင်းနားဝင်မယ့် မေ့ဆေ့ခ်ျမျိုး လိုအပ်

မြန်မာနိုင်ငံလို အခြေအနေမျိုးမှာတော့ ဒီလို အင်ဖော်မေးရှင်းတွေ အလျှံအပယ်ပေးပေမဲ့ မထိရောက်ဘဲ လူထုအတွက် ဝေေ၀၀ါးဝါးတွေ ဖြစ်နေစေပါမယ်။ သတင်းတွေပေးနိုင်တာ ကောင်းပေမဲ့ သတင်းတွေက အပြောင်းအလဲသယ်လာဖို့ ကျိန်းသေနိုင်တာမဟုတ်ဘူး။

သတင်းပေးရုံနဲ့ မလုံလေက်ပါဘူး။ ပြောင်းလဲဖို့ သဘောတရား အယူအဆ (idealism) ကို မီးမွှေးပေးဖို့ လိုပါမယ်။ လူထု လိုက်နိုင်မယ့် အတွေးအခေါ် အယူအဆတွေ အထပ်ထပ် ခင်းပြဖို့လိုပါတယ်။ တကယ်တော့ လူထုဟာ သူတို့ စံနှုန်းတန်ဖိုးတွေအတွက် အသက်ပေး စွန့်စားကြမှာ ဖြစ်ပါတယ်။ သူတို့ကိုယ်တိုင် နားမလည်တဲ့ ဝေေ၀၀ါးဝါး ပြသနာတွေ အတွက်တော့ လူထုက ပေးဆပ် ဆောင်ရွက်ကြမှာ မဟုတ်ပါဘူး။

အခြားနေရာ အချိန်တွေမှာ ဖြစ်ခဲ့တာတွေကို စိတ်ကူး အိုင်ဒီယာထုတ်နှုတ်ယူပြီး၊ လက်တွေ့ပကတိ အခြေအနေ အချိန်အခါနဲ့ ဆက်စပ်လုပ်ကိုင်တတ်ဖို့ လိုပါမယ်။ ယုံကြည်ချက်ခိုင်မာမှုက လုပ်ငန်းအကောင်အထည် ပေါ်ထွက်စေဖို့အတွက် ပင်မ အကြောင်းတရားပဲ ဖြစ်ပါတယ်။ အပြုသဘောဆောင်တဲ့ ယုံကြည်ချက် ထူထောင်နိုင် ခင်းပြနိုင်တဲ့နေရာမှာ၊ နည်းလမ်းနဲ့ လှုပ်ရှား ဆောင်ရွက်မှုတွေ လိုက်ပါလာပါမယ်။ ‘ယုံကြည်ချက်၊ နည်းလမ်း၊ အလုပ်’ ဒီသုံးခုဟာ အပြန်အလှန် ဆက်စပ် နေပါတယ်။ ၀ါဒဖြန့်ချီရေး အပါအ၀င် လုပ်ငန်းတိုင်းအတွက် ဒီသုံးခုက အရေးကြီးပါတယ်။

နယ်ပယ်ပေါင်းစုံမှ ၀ါဒဖြန့်ဖို့လိုအပ်

စာရေးသူများနဲ့ အနုပညာရှင်များဟာ ကမ္ဘာဦးကတည်းက လူသားတွေ အာဏာရှင်လက်တွင်းက လွတ်မြောက်နိုင်ဖို့အတွက် အဓိက အခန်းကဏ္ဍမှာ ရှိခဲ့ ကြပါတယ်။ အခု ၂၁ရာစုမှာလည်း ဒီမိုကရေစီကို သေးသိမ် ပျက်စီးအောင် လုပ်ပြီး ကိုယ့်ကျိုးအတ္တထူထောင်သူများ လက်အောက်က လွတ်မြောက်ဖို့ ပညာရှင်ပေါင်းစုံ၊ အနုပညာရှင်တွေနဲ့ သတင်းမီဒီယာပေါင်းစုံ ပူးပေါင်းပြီး ဒီမိုကရေစီအတွက် အဖြူရောင် ၀ါဒဖြန့်မှုကို ဆောင်ရွက်ကြရပါမယ်။ စစ်အာဏာရှင်စနစ်အောက်က မလွတ်မြောက်သမျှ လူထုအဖို့ ကိုယ့်သေတွင်း ကိုယ်တူး နေထိုင်ရခြင်းမျိုး မဟုတ် ပါလား။

ယနေ့ မြန်မာနိုင်ငံမှာ လူနည်းစုတစ်စုက အများပြည်သူတစ်ရပ်လုံးကို အဆုံးစွန် ကျေးကျွန် ငရဲဘ၀ ရောက်အောင် ဇာတ်သွင်းနေပါတယ်။ အဖြူရောင်ဝါဒဖြန့် လှုပ်ရှားမှုတွေကနေ အားလုံးပါဝင်နိုင်တဲ့ ဘုံလမ်းကြောင်းတစ်ခု လမ်းညွှန်ပေးကြ ရပါမယ်။

စစ်တပ်အရာရှိတွေ အကြပ်တပ်သားတွေ သူတို့ အထက်ကို ပုန်ကန်စေဖို့၊ ထောင် ၀ါဒါတွေက အကျဉ်းသားတွေနဲ့ ပူးပေါင်းသွားစေဖို့၊ ရန်သူ့ အင်အားကို ကိုယ့်အင်အားဖြစ်လာစေပြီး စစ်အာဏာရှင် စနစ်ဆိုး အမြစ်ပြတ် ပြုတ်ပြုတ်ပြုန်းသွားစေဖို့ ၀ါဒဖြန့်ခြင်းကို လုပ်ဆောင်ကြရပါမယ်။

ဝင့်ထန်း

ရည်ညွှန်း။      Propaganda by Eric Johnston

(အလင်းရနံဂျာနယ် အမှတ် ၅ တွင် ဖော်ပြပြီး ဖြစ်သည်။)

Read more »

The Role of the Third Force in the Junta's Diplomatic Offensive

After listening to a commentary about Burma's election and new Parliament written by Dr Thant Myint-U, the grandson of the late UN Secretary-General U Thant, on the Voice of America, I was reminded of a comment given by Snr-Gen Than Shwe when I was serving at the Burmese Embassy in Washington, D.C. The junta chief, who used to be part of the military regime's Psychological Warfare Department, said, “Your organizing efforts should target family members of prominent people in order to compare with that woman.” “That woman” was, of course, Aung San Suu Kyi.
Linn Myaing, the then Burmese ambassador to the US, through his brother Kyaw Myaing and a female professor who emigrated to the US, was able to get in touch with U Thant's family members and sons of a minister who served for a previous government led by the Anti-Fascist People's Freedom League in the 1950s. He could also contact Aung San Oo, Suu Kyi's elder brother, and his wife living in San Diego, California. The regime has used them in launching its diplomatic offensive against the international community and psychological warfare against Suu Kyi.
The senior general knew that those aforementioned people might not have forgotten their golden age in Burma, and so he brought them and their family members to Rangoon and treated them well. In return, the generals gained even more support from them than they expected. We smiled at them because they did not know they were being lured by the regime, which made them think that they were actual heroes who could save the country.
I would like to touch on the subject of how those family members were exploited by the regime at the UN. Actually, the regime's leaders did not understand much about international relations until 2000. They just did whatever they wanted in their county and didn't care what anyone else thought. They didn't pay attention to the international community or the image of their government in the international arena.
Than Shwe, whose way of thinking about such matters was particularly crazy, often pushed his fellow generals into tight corners. There were a number of cases in which regime officials were put in an awkward situation because of his lack of international knowledge. Than Shwe did not understand that the recruitment of child soldiers, forced labor and forced relocation of villages were prohibited by international conventions. He did not know which UN treaties the successive Burmese governments had signed and/or ratified. The then foreign minister, who was aware of those treaties, tried to explain these things to him, but he did refused to listen.
Since around 1997, Burma's human rights situation has attracted increasing attention at the UN. It was around this time that the senior general also started to think about how to tackle this problem. Consequently, a strategy for a diplomatic offensive was developed with advice from Joseph Verner Reed, a famous US politician and senior official, in order to garner support within the international community.
According to the plan, prominent Burmese people living abroad became major targets of the regime, followed by young Burmese intellectuals and non-Burmese scholars with an interest in Burma.
Family members of U Thant were considered the first target of the offensive. At the beginning, the regime was worried that it would not be welcomed easily by U Thant's family because they had actively worked for pro-democracy activists following the nationwide pro-democracy uprising in Burma in 1988, and the army had killed innocent civilians when U Thant's funeral turned into an uprising known as the “U Thant Affair.” The regime, however, did not face much difficulties in dealing with the family of the late UN secretary-general.
After the regime complimented members of U Thant's family on their significance in Burmese politics and in the pursuit of democracy, each of them reportedly visited Burma as guests of the state. It seemed that the regime thoroughly won them over, because on their return they did not appear to have any hatred towards the army. Indeed, ever since then, they have been speaking for the regime almost as if they have become its overseas representatives.
Following Reed's advice, since around 1997, Burmese ambassadors to the US, UK, Canada, Switzerland and France have been spending several months each year in New York, lobbying foreign diplomats on behalf of the regime during the UN General Assembly period from August to November.
However, there was a suggestion that lobby efforts for a government by non-government actors could be more effective, so the regime began to establish a “third force” around 2002 by combining its first, second and third targets.
Using U Thant's name was beneficial to the regime in its diplomatic offensive and advocacy efforts.
__________________________________________________

Source :irrawaddy.org

Read more »

နိုင်ငံတကာ သံတမန်ရေး ထိုးစစ်နှင့် တတိယ အင်အားစု

ကုလသမဂ္ဂ အထွေထွေ အတွင်းရေးမှူးချုပ်ဟောင်း ဦးသန့်ရဲ့မြေး ဒေါက်တာ သန့်မြင့်ဦး ရေးသားခဲ့တဲ့ နအဖ အစိုးရဲ့ ရွေးကောက်ပွဲနဲ့ လွှတ်တော် အကြောင်းကို VOA ရေဒီယို သတင်းဆောင်းပါး ကဏ္ဍတွေထဲမှာ ကြားလိုက်ရလို့ အမေရိကန်ပြည်ထောင်စု ဝါရှင်တန်မြို့ မြန်မာသံရုံးမှာ ကျနော် တာဝန်ထမ်းဆောင်စဉ်ကာလတုန်းက ဗိုလ်ချုပ်မှူးကြီး သန်းရွှေရဲ့ မှတ်ချက်တခုကို သွားသတိရမိပါတယ်။ စိတ်ဓာတ်စစ်ဆင်ရေးဌာနမှာ လုပ်ဖူးတဲ့ ဗိုလ်ချုပ်မှူးကြီး သန်းရွှေရဲ့ မှတ်ချက်ကတော့ “မင်းတို့ ထင်ပေါ်ကျော်ကြားခဲ့တဲ့ ပုဂ္ဂိုလ်တွေရဲ့ မိသားစုဝင်တွေကို ပစ်မှတ်ထားပြီး စည်းရုံးပေါ့ကွာ၊ ဟိုအမျိုးသမီးနဲ့ Compare လုပ်ဖို့” ဆိုတာပါ။ ဟိုအမျိုးသမီးဆိုတာက ဒေါ်အောင်ဆန်းစုကြည်ကို ဆိုလိုတာပါ။

ဝါရှင်တန်မှာ အဲဒီအချိန်တုန်းက တာဝန်ထမ်းဆောင်နေတဲ့ မြန်မာသံအမတ်ကြီး ဦးလင်းမြိုင်က သူ့ရဲ့အစ်ကို ဦးကျော်မြိုင်နဲ့ အမေရိကန်မှာ ရွှေ့ပြောင်းအခြေချတဲ့ မြန်မာအမျိုးသမီး ပါမောက္ခ တယောက်ရဲ့ ဆက်သွယ်ပေးမှုကြောင့် ဦးသန့် မိသားစုဝင်များ၊ ဖဆပလ ခေတ် ဝန်ကြီးဟောင်းတဦးရဲ့ သားများကို အဆက်အသွယ်ရခဲ့ပါတယ်။ အလားတူ ရန်ကုန်မှ ဆက်သွယ်ပေးမှုကြောင့် အမျိုးသားခေါင်းဆောင် ဗိုလ်ချုပ်အောင်ဆန်း၏ သားကြီး ကယ်လီဖိုးနီးယားပြည်နယ်၊ ဆန်ဒီယေဂိုမှာနေတဲ့ ဦးအောင်ဆန်းဦးနှင့်ဇနီး တို့ကို နအဖ စစ်အစိုးရက အချိတ်အဆက်များ ရခဲ့ကြတယ်။ နအဖ၏ ပြည်တွင်းပြည်ပ သံတမန်ထိုးစစ် (နိုင်ငံတကာ ဆက်ဆံရေးကို ထိုးဖောက်ခြင်း) နဲ့ ဒေါ်အောင်ဆန်းစုကြည်အား စိတ်ဓာတ်စစ်ဆင်ရေး လုပ်ငန်းများအတွက် အဆိုပါ ပုဂ္ဂိုလ်များကို အသုံးချခဲ့ပါတယ်။

ဒီနေရာမှာတော့ ဗိုလ်ချုပ်မှူးကြီး အကြံအစည်ကို သတိထားဖို့လိုပါမယ်။ လူဆိုတာက တချိန်တုံးက ရွှေထီးဆောင်းခဲ့ရတဲ့ အဖြစ်များကို မမေ့နိုင်ကြသလို နည်းနည်းလေး ပင့်မြှောက်ပေးလိုက်ရုံနဲ့ အထင်ရောက်တတ်ကြတာကိုး။ အဲဒီပုဂ္ဂိုလ်ကြီးတွေရဲ့ မိသားစုဝင်တွေကို ရန်ကုန်လွှတ်ပြီး ပြုစုပေးလိုက်တဲ့အခါမှာတော့ ထင်ထားတာထက်တောင် စစ်အစိုးရကို ထောက်ခံပြနေတာ တွေ့ရပါတယ်။ ကျနော်တို့ကတော့ ကြည့်ပြီး ပြုံးမိတယ်။ သူတို့ကတော့ သိမ်းသွင်းခံလိုက်ရပြီဆိုတာ မရိပ်မိကြပါဘူး။ သူတို့သာ မြန်မာနိုင်ငံကို ကယ်တင်မယ့် တကယ့် လူစွမ်းကောင်းတွေလို့ အထင်ရောက်စေပါတယ်။

အခုဆောင်းပါးမှာ အဲဒီမိသားစုဝင်တွေနဲ့ ပတ်သက်ပြီး ကုလသမဂ္ဂမှာ စစ်အစိုးရရဲ့ အသုံးချခဲ့ပုံကို အနည်းငယ် ဖော်ပြလိုပါတယ်။ နအဖ ခေါင်းဆောင်တွေဟာ ၂၀၀၀ ပြည့်နှစ်မတိုင်မီအချိန်အထိ နိုင်ငံတကာ ဆက်ဆံရေးဆိုတာကို ကောင်းကောင်း နားမလည်ကြသေးတာအမှန်ပါ။ ကိုယ့်နိုင်ငံ ကိုယ်လုပ်ချင်တာလုပ်မယ်၊ ဘယ်သူ့ဂရုစိုက်ရမလဲဆိုတဲ့ လူမိုက်စိတ်ဓာတ်မျိုး ထားကြပြီး နိုင်ငံတကာမှာ သူတို့စစ်အစိုးရပုံရိပ် ဘယ်လိုဖြစ်နေသလဲ ဂရုမပြုကြတဲ့သူတွေပါ။

အထူးသဖြင့် ဒီလိုစိတ်ဓာတ်မျိုးက ဗိုလ်ချုပ်မှူးကြီး သန်းရွှေ ထံမှာရှိနေတော့ အမိန့်နာခံကြရတဲ့ လက်အောက်ခံ ဗိုလ်ချုပ်များအတွက် ဆုတ်လည်းဆူး စားလည်းရှုး ဖြစ်ခဲ့ကြရတဲ့ ကိစ္စတွေ အများကြီးဖြစ်ခဲ့ကြတာပါ။ ဥပမာ ကလေးစစ်သား စုဆောင်းတာမျိုး၊ အတင်းအဓမ္မ လုပ်အားပေး ခိုင်းစေတာမျိုး၊ အတင်းအဓမ္မ ရွာတွေရွှေ့ခိုင်းတာမျိုးတွေကို နိုင်ငံတကာဥပဒေအရ မလုပ်ရဘူးဆိုတာကို သူနားမလည်ခဲ့ပါဘူး။ ကုလသမဂ္ဂမှာရှိတဲ့ စည်းမျဉ်းစည်းကမ်းတွေ မြန်မာအစိုးရအဆက်ဆက် လိုက်နာပါမယ်လို့ ထိုးထားတဲ့စာချုပ်တွေက ဘာတွေလဲဆိုတာ သူမသိဘူး။ သိရှိနားလည်တဲ့ နိုင်ငံခြားရေးဝန်ကြီးက တင်ပြဖို့ ကြိုးစားတော့လည်း လက်မခံဘူး။

ဒီလိုနဲ့ ၁၉၉၇ ခုနှစ်လောက်ကစပြီး မြန်မာနိုင်ငံရဲ့ လူ့အခွင့်အရေးကိစ္စ ပြဿနာဟာ ကုလသမဂ္ဂမှာ ပိုပြီး ကျယ်ကျယ်လောင်လောင် ဖြစ်လာတော့တယ်။ ဒီပြဿနာတွေကို ရင်ဆိုင်ဖို့ အဲဒီအခါကျမှ ဗိုလ်ချုပ်မှူးကြီး သန်းရွှေ စဉ်းစားမိလာတယ်။ ဗိုလ်ချုပ်မှူးကြီး သန်းရွှေရဲ့ စိတ်ဓာတ်က အချင်းချင်းပြောတာကို လက်ခံလေ့မရှိဘူး။ ကုလသမဂ္ဂက အမေရိကန်နိုင်ငံသား ထိပ်တန်းအရာရှိကြီးတဦးဖြစ်တဲ့ မစ္စတာ ဂျိုးဇက် ဗာနာ ရိဒ် ကနေ ဒါတွေဒီလို လုပ်သင့်ပါတယ်လို့ပြောမှ သံတမန်ရေးထိုးစစ် (နိုင်ငံတကာဆက်ဆံရေး ထိုးဖောက်ခြင်း) မဟာဗျူဟာ ချမှတ်ပြီး နိုင်ငံတကာအဖွဲ့စည်းတွေမှာ နအဖကို ထောက်ခံသူ များလာအောင်လုပ်ခဲ့ကြပါတယ်။

အဲဒီမှာ ပြည်ပရောက် ထင်ရှားပြီးအရေးပါတဲ့ မဟာမြန်မာကြီးတွေဟာ နအဖ ရဲ့ ပစ်မှတ်များ ဖြစ်လာခဲ့ကြပါတယ်။ ဒုတိယ ပစ်မှတ်ကတော့ ပညာတတ်အသိုင်းအဝန်းက မြန်မာလူငယ်များနဲ့ တတိယ ပစ်မှတ်ကတော့ မြန်မာ့အရေးကို စိတ်ဝင်စားကြတဲ့ နိုင်ငံခြားသား ပညာရှင်များဖြစ်ကြပါတယ်။

ဦးသန့်ရဲ့ မိသားစုဝင်တွေကတော့ ပထမ ပစ်မှတ်တွေပါ။ ၁၉၈၈ အရေးခင်းပြီးတော့ ဦးသန့်ရဲ့ မိသားစုဝင်တွေဟာ ဒီမိုကရေစီ ဘက်တော်သားတွေဘက်က တော်တော်လေး တက်တက်ကြွကြွ လှုပ်ရှားခဲ့ကြတာတွေရယ်၊ ၁၉၇၄ ခုနှစ် ဦးသန့်အရေးခင်းမှာ စစ်တပ်က အပြစ်မဲ့ပြည်သူတွေကို ပစ်သတ်ထားတာတွေကြောင့် စစ်တပ်ရဲ့ စည်းရုံးမှုကို အလွယ်တကူမှ လက်ခံပါ့မလားဆိုပြီး အစ ပထမမှာ စိတ်ပူမိသေးတယ်။ ဒါပေမယ့် ထင်သလောက် အခက်အခဲ မရှိခဲ့ပါဘူး။

ဦးသန့်ရဲ့ မိသားစုဝင်တွေဟာ မြန်မာ့နိုင်ငံရေးမှာ အရေးပါပုံ၊ မြန်မာပြည်၏ ဒီမိုကရေစီ အရေးအတွက် အရေးပါပုံ အစရှိတဲ့ ချီးမွမ်းခန်းတွေကို ဖွင့်ပြီးတဲ့အခါမှာတော့ မိသားစုဝင်တွေ အသီးသီး အစိုးရဧည့်သည်တော်တွေအဖြစ်နဲ့ မြန်မာ့နိုင်ငံကို ချီတက်ကြတော့တာပါပဲ။ နအဖ က ကောင်းကောင်း သိမ်းသွင်းလိုက်ပုံရပါတယ်၊ ပြန်လာပြီးတဲ့ အခါမှာတော့ စစ်တပ်ကို မုန်းတဲ့စိတ် ပျောက်သွားပြီး မြန်မာ့နိုင်ငံကို ကယ်တင်မယ့် နအဖ ရဲ့ အကျိုးဆောင်တွေအဖြစ် နအဖ က နိုင်ငံတကာကို ပြောချင်တာတွေကို နအဖ ကိုယ်စားပြောပေးနေတာ အခုအထိတွေ့နေရဆဲပါပဲ။

ဒီလိုနဲ့ နအဖ ဟာ ၁၉၉၇ ခုနှစ်လောက်ကစပြီး ခုနပြောခဲ့တဲ့ မစ္စတာ ဂျိုးဇက် ဗာနာ ရိဒ် ရဲ့ အကြံပေးချက်အရ နှစ်စဉ် ကုလသမဂ္ဂ အထွေထွေညီလာခံ ကာလဖြစ်တဲ့ သြဂုတ်လကနေ နိုဝင်ဘာလ အတွင်းမှာ အမေရိကန်၊ ဗြိတိန်၊ ကနေဒါ၊ ဂျနီဗာနဲ့ ပြင်သစ်က မြန်မာ သံအမတ်ကြီးများဟာ နယူးယောက်မြို့ရှိ ကုလသမဂ္ဂရုံးမှာ လာရောက်စုစည်းရပါတယ်။ ပြီးတော့ နိုင်ငံတကာက ရောက်လာကြတဲ့  သံတမန်များနဲ့ နယူးယောက်မှာ ရှိကြတဲ့ နိုင်ငံတကာ သံတမန်များကို စစ်အစိုးရအတွက် ထောက်ခံမှုရအောင် ရှေ့မျက်နှာ နောက်ထားကာ လနဲ့ချီ စည်းရုံးရေးဆင်း ဆွယ်တရားဟော (Lobby) လုပ်နေခဲ့ကြတာ ယနေ့အထိ တွေ့နေရဆဲပါ။

ဒါပေမယ့် နအဖ ကိုယ်တိုင်လုပ်တာထက် သာမန်အစိုးရနဲ့ မဆိုင်တဲ့သူများကလုပ်တာ ပိုပြီး ထိရောက်မှု ရှိနိုင်တယ်လို့ အကြံပြုချက်အရ နအဖရဲ့ ပထမ၊ ဒုတိယ၊ တတိယ ပစ်မှတ်တွေကို စုစည်းပြီး တတိယအင်အားစုကို ၂၀၀၂ ခုနှစ်လောက်မှာ အကောင်ထည်ဖော်ခဲ့ကြပါတယ်။

နိုင်ငံတကာကို စည်းရုံးတဲ့အခါမှာ ကုလသမဂ္ဂ အထွေထွေ အတွင်းရေးမှူးချုပ်ဟောင်း ဦးသန့် ရဲ့အမည်ဟာ စစ်အစိုးရအတွက် သံတမန်ရေးထိုးစစ် (နိုင်ငံတကာဆက်ဆံရေး ထိုးဖောက်ခြင်း) လုပ်ငန်းကို အကျိုးရှိပါတယ်။ အလားတူ ဦးသန့်ရဲ့ မိသားစုဝင်တွေဟာလည်း အသုံးအလွန်တည့်ခဲ့ပါတယ်။

ဒါပေမယ့် ဒီလုပ်ငန်းတွေဟာ ဗိုလ်ချုပ်ကြီး ခင်ညွန့် ဖြုတ်ခံရပြီးတဲ့နောက် ခေတ္တရပ်သွားခဲ့ပေမဲ့ နောက်ပိုင်းမှာ ဝါရှင်တန် သံအမတ်ကြီးဟောင်း ဝန်ကြီး ဦးသောင်းရဲ့ တင်ပြချက်အရ အမေရိကန်သမ္မတ အိုဘားမား အစိုးရကို စည်ရုံးမှုတွေ ပြန်လုပ်ဖို့ ဗိုလ်ချုပ်မှူးကြီး သန်းရွှေက ခွင့်ပြုခဲ့တဲ့အတွက် ပြည်တွင်းပြည်ပ တတိယအင်အားစုတွေ ပြန်လည်လှုပ်ရှားခွင့်ရခဲ့ကြပါတယ်။

ဗိုလ်ချုပ်ကြီး ခင်ညွှန့် ပြုတ်ပြီးတဲ့နောက်ပိုင်း တဖြည်းဖြည်း အားယူပေါ်ထွက်လာတဲ့ တတိယ နိုင်ငံရေး အင်အားစုတွေထဲမှာ Myanmar Egress ဟာလည်း တခုအပါအဝင် ဖြစ်ပါတယ်။ ၂၀၀၀ ခုနှစ် အစောပိုင်း ကာလတုန်းက အနောက်နိုင်ငံက အမျိုးသမီး သံအမတ်တဦးကလည်း တတိယအင်အားစုတွေ ပေါ်ထွက်ရေးမှာ အဓိက အားပေးအားမြှောက် ပြုခဲ့တာတွေလည်း ရှိခဲ့ပါတယ်။

စစ်အစိုးရရဲ့ ရွေးကောက်ပွဲကို သိသိသာသာ ထောက်ခံခြင်းဖြင့် သူတို့ရပ်တည်မှုကို ပြည်တွင်းပြည်ပက မေးခွန်းထုတ်လာခဲ့ကြပါတယ်။ အစောပိုင်းတုန်းက ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးအသင်း (ယခု ကြံ့ဖွံ့ပါတီ) ရဲ့ အထွေထွေအတွင်းရေးမှူး ဦးဌေးဦးနဲ့ ဒေါက်တာ သန့်မြင့်ဦးကို ဘန်ကောက်မှာ တွေ့ဆုံဆွေးနွေးစေတာမျိုးတွေကို Myanmar Egress က ကြားဝင်ပြီး ညှိပေးတာမျိုးတွေ ရှိခဲ့တယ်။

ယမန်နှစ် နိုဝင်ဘာလတုန်းက မြန်မာနိုင်ငံသို့ နှစ်ရက်ကြာ လာရောက်ခဲ့တဲ့ ကုလသမဂ္ဂ အထွေထွေ အတွင်းရေးမှူးချုပ်ရဲ့ အထူးကိုယ်စားလှယ် ဗီဂျေ နမ်ဘီယားနဲ့ တတိယအင်အားစုတွေ တွေ့ဆုံပြီး သူတို့ အမြင်တွေကို တင်ပြတဲ့အထိလည်း ခြေလှမ်းကျယ်ခဲ့ပါတယ်။

မြန်မာ့အရေးကို ကြားဝင်စေ့စပ်ဖို့ ခန့်အပ်ခံခဲ့ရတဲ့ ကုလသမဂ္ဂ အထူးကိုယ်စားလှယ် နိုက်ဂျီးရီးယားက မစ္စတာ ဂမ်ဘာရီကို မှတ်မိကြဦးမှာပါ။ သူ မြန်မာပြည်ကို ပထမဆုံးမသွားခင် ၂၀၀၆ မေလ မတိုင်ခင်လေးမှာ နယူးယောက်က ကုလသမဂ္ဂရုံးမှာ ကျင်းပတဲ့ မြန်မာ့အရေး ဆွေးနွေးပွဲ ကျိတ်ဝိုင်းလေး ရှိခဲ့ပါတယ်။ အဲဒီပွဲမှာ တက်ခဲ့သူတွေကတော့ မြန်မာ မဟုတ်တဲ့သူတွေ များပါတယ်။ ဒါပေမယ့် “မြန်မာ့အရေး ကျွမ်းကျင်သူ” တွေနဲ့ ကုလသမဂ္ဂ အရာရှိတွေပါ။ ဦးသန့်ရဲ့မြေးလည်း တက်ခဲ့ပါတယ်။ ထူးခြားတာကတော့ အဲဒီ ဆွေးနွေးပွဲမှာ ဒေါ်အောင်ဆန်းစုကြည်ကို မြန်မာ့နိုင်ငံရေးက မေ့ထားလိုက်ဖို့ဆိုတဲ့ အဆိုကို လူတချို့က တင်ကြတာပဲ ဖြစ်ပါတယ်။ ကုလသမဂ္ဂ အထူးကိုယ်စားလှယ်ကတော့ ဒါကို နောက်ဆုံးမှာ မဖြစ်နိုင်ဘူးလို့ ပြောခဲ့ပါတယ်။

စစ်အစိုးရရဲ့ ရည်ရွယ်ချက်က အရင်ထက်စာရင် နည်းနည်းပြောင်းလဲတာက ရွေးကောက်ပွဲ၊ လွှတ်တော်နဲ့ အစိုးရသစ်ကို နိုင်ငံတကာ ကအသိအမှတ်ပြုခံရဖို့နဲ့ မပြောင်းလဲခဲ့တာကတော့ ဒေါ်အောင်ဆန်းစုကြည်နဲ့ အမျိုးသားဒီမိုကရေစီ အဖွဲ့ချုပ်ကို တိုက်ခိုက်ဖို့ စီးပွားရေးပိတ်ဆို့မှုကို ဆန့်ကျင်ဖို့ ဆိုတာတွေပါပဲ။ ဗိုလ်ချုပ်မှူးကြီး သန်းရွှေရဲ့ တီးကွက်အတိုင်း လိုက်ကနေကြရတာပါ။

ကျနော့်အနေနဲ့ ပြည်တွင်းပြည်ပ တတိယ အင်းအားစုတွေကို မေတ္တာရပ်ခံချင်တာက ပညာတတ်၊ ဂုဏ်သိက္ခာရှိသူတွေ အနေနဲ့ အာဏာရှင်ကြီးရဲ့ အသုံးချခံနေရမှုကို သတိကြီးကြီးထားပြီး ဆင်ခြင်သင့်ပါတယ်။ ရာထူးကြီးသူများ ချမ်းသာကြွယ်ဝသူများ ပြောစကားတွေထက် အခြေခံ စစ်ဖက် အရပ်ဖက် လူတန်းစားတွေရဲ့ စကားတွေကိုလည်း လေ့လာနားထောင်သင့်ပါတယ်။ တကယ် မြန်မာနိုင်ငံကို ချစ်တယ်ဆိုရင် အစိုးရကိုရော ဒီမိုကရေစီအင်အားစုတွေကိုပါ ဝေဖန်ရဲတဲ့ သတ္တိရှိဖို့လိုပါတယ်။ အစိုးရဘက်ကချည်း လိုက်ပြောနေတယ်ဆိုရင်တော့ ပညာတတ် ဂုဏ်သိက္ခာရှိသူတွေလို့ ယူဆနေကြတဲ့ တတိယအင်အားစုတွေဟာ မြန်မာနိုင်ငံကို ဒုက္ခရောက်အောင် လုပ်နေကြတယ်လို့ ပြောရပါလိမ့်မယ်။     ။

(ဗိုလ်မှူးဟောင်း အောင်လင်းထွဋ်သည် တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင်တန်မြို့ရှိ မြန်မာသံရုံး၌ သံမှူးကြီး စသည့် တာဝန်များ ထမ်းဆောင်ခဲ့ပြီး ၂၀၀၅ ခုနှစ်တွင် အမေရိကန်၌ နိုင်ငံရေးခိုလှုံခွင့် တောင်းခံခဲ့သည်။)

မှတ်ချက်။        ။ ဧရာဝတီသတင်းမှ ကူးယူဖေါ်ပြသည်။

Read more »