တစ်ခါကကိုမြတ်သာဆိုတဲ့လူတစ်ယောက်ရှိတယ်။ သူကအနုပညာအထူးဝါသနာပါတယ် အထူးသဖြင့် ယိုးဒယားအကကို အင်မတန်နှစ်သက်တယ် လမ်းလျောက်ရင်လည်း ယိုးဒယားဟန်နဲ့ ထိုင်ရင်လည်း ယိုးဒယား ဟန်နဲ့ဘဲ တကယ်တော့ကိုမြတ်သာဟာ ယိုးဒယားဟန်မပါဘဲ ဘာအလုပ်မှမလုပ်ဘူး။ ဒါ့ကြောင့်သူ့မိတ်ဆွေ တွေကသူ့ကို “ယိုးဒယား” ကိုမြတ်သာလို့ခေါ်ကြတယ်တဲ့။
တစ်နေ့တော့ ကိုမြတ်သာအိမ်ကိုဓါပြတွေ ၀င်တိုက်ပါလေရော အဲဒီတော့ “ကိုမြတ်သာ”ခင်ဗျာ ဓါးပြရန်က လွတ်အောင်အိမ်နောက်ဖေးကနေထွက်ပြေးရတယ်တဲ့ အဲဒီလိုပြေးရင်းနဲ့ မြောင်းတစ်ခုကိုကျော်ဖြတ်ဖို့ လိုလာတယ် အဲဒီအချိန်မှာ“ကိုမြတ်သာ”ဆုံးဖြတ်ချက်တခုချဖို့ ကြုံလာတယ် အဲဒါကတော့တစ်ခြားမဟုတ်ဘူး မြောင်းကိုယိုးဒယားဟန်နဲ့ခုန်မလား ဒါမှမဟုတ်ရင် ဓါးပြရန်ကလွတ်အောင် ယိုးဒယားဟန်မပါဘဲ အမြန်ခုန်မလားဆိုတာကို ဆုံးဖြတ်ဖို့ပါဘဲ ကိုမြတ်သာအနေနဲ့သူ့ရဲ့ လုပ်ဆောင်ချက် အားလုံးမှာယိုးဒယားဟန်နဲ့အမြဲလုပ်ခဲ့တာမို့ ဒီတစ်ကြိမ်မှာလဲ အစဉ်အလာမပျက် ယိုးဒယားဟန်နဲ့ဘဲခုန် သင့်တယ်လို့စဉ်းစားမိတယ်။
နောက်တစ်ဖက်မှာလည်းသူ့ကိုဖမ်းဖို့အတွက် နောက်ကအပြေးလိုက်လာတဲ့ ဓါးပြရန်ကနေလွတ်အောင် ယိုးဒယားဟန်မသုံးဘဲ အမြန်ဆုံးမြောင်းကိုခန်ပြီးပြေးသင့်တယ်လို့ စဉ်းစားမိပြန်တယ် အဲဒီလိုနဲ့ဘဲ မြောင်းကို ယိုးဒယားဟန်နဲ့ခုန်မလား ဒါမှမဟုတ်ယိုးဒယားဟန်မပါဘဲခုန်ပြီးပြေးမှာလားဆိုတာ ဆုံးဖြတ်ချက်မချနိုင် ဖြစ်နေတယ် အဲဒီလိုချီတုံချတုံဖြစ်နေလို့ မြောင်းကိုအမြန်မခုန်မိတာနဲ့ နောက်ကပြေးလိုက်ပါတဲ့ဓါးပြက ကိုမြတ်သာရဲ့ “ဂုတ်”ကိုဆွဲပြီးဖမ်းလိုက်တယ်တဲ့။
အခုလည်းကျနော်တို့ရဲ့ ဒီမိုကရေစီတိုက်ပွဲဝင် အတိုက်အခံအဖွဲ့အစည်းတွေဟာ ရန်သူဖြစ်တဲ့ စစ်အာဏာရှင်အစိုးရကိုတိုက်ရာမှာအဖွဲ့အစည်းများအချင်းချင်းညှိနှိုင်းပြီး အများအသုံးပြုနိုင်တဲ့ နည်းဗျူဟာ ကိုရွေးချယ်ချမှတ်ဖို့ မဆုံးဖြတ်နိုင်ဘဲ ချီတုံချတုံနဲ့ နေခဲ့တာ (၂၂)နှစ်ကျော်လာပါပြီ ဒီလိုသာဆက်ပြီး ချီတုံချတုံဖြစ်နေကြရင် ဒီမိုကရေစီတိုက်ပွဲဝင်အတိုက်အခံအဖွဲ့အစည်းများဟာ စစ်အာဏာရှင် အစိုးရရဲ့ “ဂုတ်” ဆွဲပြီးချေမှုန်းခြင်းခံရမှာ သေချာနေပါကြောင်း တင်ပြရင်းအချိန်မီမှန်ကန်တဲ့ဆုံးဖြတ်ချက်များ ချမှတ် နိုင်ကြမည်ဟု မျော်လင့်ပါတယ်။
ဦးသန်းအောင်
ဘက်ဒ်မင်တန်မြို့
အယ်လ်ဘားတားပြည်နယ်
ကနေဒါနိုင်ငံ
2010-ခုနှစ်၊ နိုဝင်ဘာလ (18)ရက်
ဘက်ဒ်မင်တန်မြို့
အယ်လ်ဘားတားပြည်နယ်
ကနေဒါနိုင်ငံ
2010-ခုနှစ်၊ နိုဝင်ဘာလ (18)ရက်
Post a Comment